База адпачынку "Прывал". Фота: vedi.by
На базе адпачынку «Прывал» пабудуюць шматфункцыянальны будынак — дасугавы цэнтр. У ім будзе зала забаў, абедзенная зона, тэраса і шоу-кухня. Пакуль займаюцца перадпраектнымі і праектна-пошукавымі работамі.
Закупку праводзіць «Гродзенская тытунёвая фабрыка «Нёман». Гэта будзе каштаваць 160 000 рублёў з уласных сродкаў фабрыкі. Дамову з выканаўцам разлічваюць падпісаць 28 верасня. Пасля гэтага ў яго будзе дзевяць месяцаў на выкананне работ.
На цокальным паверсе будуць гардэроб, санвузлы, тэхнічныя памяшканні, зала актыўных і інтэрактыўных забаў умяшчальнасцю 100 чалавек, грымёрны пакой 15 м.кв. На першым паверсе — абедзенная зона умяшчальнасцю 90 чалавек, кухонныя памяшканні з лініяй раздачы і барнай стойкай. Таксама запланаваны панарамнае шкленне, тэраса ля абедзеннай залы і шоу-кухня.
Будынак аснасцяць унутранымі інжынернымі сеткамі. Для наведвальнікаў будзе WI-FI. Таксама запланавана відэаназіранне.
У выпадку высечкі дрэў або кустоў высадзяць новыя. Таксама прадугледжаны добраўпарадкаванне і азеляненне тэрыторыі.
«Гродзенская тытунёвая фабрыка «Нёман» сур’ёзна занялася добраўпарадкаваннем «Прывалу». Там ужо паабяцалі лазню і кэмпінгі з марскіх кантэйнераў. Таксама там будзе пераправа праз Нёман на базе баржы. Яшчэ там зробяць сажалку для стронгі.
Гродзенскі абласны суд прызнаў Ежы Грыгенчу вінаватым паводле чатырох крымінальных артыкулаў. Яму прызначылі шэсць гадоў…
Блогер з Гродна Аляксей Саўко з ростам у 136 см апублікаваў фота ў футболцы “Команда…
Экран вышынёй 7 метраў з’явіўся на фасадзе гандлёва-забаўляльнага цэнтра Triniti на праспекце Янкі Купалы. Гэта…
Гродзенская вобласць страціла лідарскую пазіцыю па колькасці арганізаваных турыстаў. Цяпер сярод найбольш папулярных напрамкаў —…
Аперацыя праводзіцца на тэрыторыі Гродна і Гродзенскага раёна ў рамках камандна-штабных вучэнняў сілавікоў. На час…
Байкеры выявілі ў Пышках дрот, нацягнуты на ўзроўні шыі. Відэа яны размясцілі ў TikTok. "Вось…