Нерухомасць тыдня: кватэра з зонай адпачынку на даху, дзе можна смажыць шашлык і займацца спортам

Прадаецца двухпакаёвая кватэра ў «элітным» доме на Будзёнага, 28. На даху дома ёсць зона для адпачынку: там можна займацца спортам, смажыць шашлык, загараць і адпачываць. У доме ўсталяваны свой воданагравальнік — гарачую ваду летам не адключаюць. А ў ацяпляльны перыяд цеплатэхнік рэгулюе падачу цяпла.

Кватэра размешчана на апошнім паверсе пяціпавярхоўкі 2018 года пабудовы. Агульная плошча — 59,5 кв. м. Ёсць тэраса на 11,8 кв.м, на якую можна выйсці з кожнага пакоя. У кватэры — вокны да падлогі. Дызайнерскі рамонт зроблены ў цёплых светлых танах. У інтэр'еры шмат дрэва, бэжавага і карычневага колераў. У сумешчаным санвузле — яркія зялёныя дэталі.

Каля узмоцненых металічных уваходных дзвярэй ёсць відэадамафон з функцыяй запісу. Ёсць ахоўная сігналізацыя.

Двор дома абнесены плотам. На тэрыторыі ёсць паркоўкі для аўтамабіляў і ровараў (доступ праз мабільны дадатак і чып-ключ), дзіцячая пляцоўка. У доме і на тэрыторыі ёсць сістэма відэаназірання.

Ёсць і падземная паркоўка — дадаткова можна купіць машынамесца. Тут жа ёсць кладоўка на 3,8 кв. м.

Дом знаходзіцца ў раёне з развітой інфраструктурай. У крокавай даступнасці знаходзяцца аўто і чыгуначны вакзалы, прыпынкі грамадскага транспарту.

Кошт — $ 75 000. Кватэру будзе выгадна здаваць у арэнду, лічаць прадаўцы.

Чытайце таксама: Нерухомасць тыдня: купіць вялікую кватэру з саунай і масажнай ваннай