Дзяўчына з інваліднасцю стала «Каралевай Гродна — 2023»

Гродзенка Вікторыя Навіцкая, у якой замест нагі пратэз, перамагла ў конкурсе «Каралева Гродна — 2023». Пра гэта Вікторыя расказала на сваёй старонцы ў Instagram.

«Азіраючыся на сваё жыццё назад — разумею, чаго можна дасягнуць калі верыць у сябе і свае бязмежныя магчымасці і вядома дзейнічаць», — напісала Вікторыя ў сваім Instagram.

Што гэта за конкурс

Конкурс «Каралева Гродна» — абласны этап конкурса «Каралева Беларусі». Яго правялі з 17 па 20 жніўня 2023 года. Яго арганізоўвае Акадэмія конкурсаў прыгажосці Беларусі. Яе дырэктарка Людміла Шынкарэнка, а заснавальніца Вольга Крыжаноўская.

Конкурс прыгажосці «Каралева Беларусі» пазіцыянуюць як першы ў свеце праект без стэратыпаў, межаў і здаровым ўспрыманнем жаночай прыгажосці і індывідуальнасці, які сцірае межы разумення жаночай прыгажосці.

У ім не падзяляюць жанчын па катэгорыях, а аб’ядноўваюць разнастайнасць прыгажосці ў адно цэлае. Мэта конкурса — даць магчымасць рэалізаваць свой творчы патэнцыял любой жанчыне, а таксама пракачаць свае асабістыя якасці. Арганізатары выступаюць за тое, каб кожная жанчына ў незалежнасці ад сямейнага статуса, кар’еры і адукацыі мне магчымасць рэалізаваць сябе праз творчасць і індывідуальнасць.

15 пераможцаў конкурса будуць удзельнічаць у Міжнародных конкурсах прыгажосці:

• Queen of the Universe
• Mrs. Universe
• Miss&Mrs. Eurasia
• Queen of the Eurasia
• Face of beauty international
• Mrs. Europe
• Photomodel of the World
• Miss Eco international
• Miss Glam of the World
• Miss Tourism
• Сусветная мадэль
• Прыгажуня зямнога шара

Колькі суперніц было ў Вікторыі

У фінале удзельнічалі 15 жанчын. У конкурсе былі тры катэгорыі, паводле якіх размеркавалі ўдзельніц:

• Princess (18 — 31 год)
• Queen (32 — 47 гадоў)
• Diamond Queen (48+)

Раней гродзенка перамагла на конкурсе ў Каліфорніі

У чэрвені 2023 года гродзенка Лана Глумакова перамагла ў фінале міжнароднага конкурсу прыгажосці Mrs Globe у Каліфорніі. На ім жанчына прадстаўляла не толькі Беларусь, але і ўсё Еўропу. У кастрычніку 2022 года Глумакову прызналі найпрыгажэйшай замужняй жанчынай Еўропы.

Чытайце таксама: «Мне не ўласціва віскатаць ад радасці». Што гродзенка Лана Глумакова расказала пра конкурс Mrs Globe