Максім Багдановіч, 1911 г.
Новы літаратурны конкурс імя Максіма Багдановіча запачаткавалі ў Гродне, дзе прайшло дзяцінства паэта. Конкурс будзе праходзіць раз на два гады і мае статус абласнога. Пераможца атрымае грашовую ўзнагароду. Парадак правядзення зацверджаны адпаведным рашэннем Гродзенскага аблвыканкама.
Арганізатарам конкурсу з’яўляецца Гродзенскі абласны выканаўчы камітэт. Сярод абвешчаных мэтаў конкурсу — папулярызацыя дзейнасці пісьменнікаў Гродзенскай вобласці, стымуляванне стварэння высокамастацкіх літаратурных твораў, пошук новых імёнаў у літаратуры і павышэнне статусу пісьменніка ў грамадстве.
У конкурсе будзе сем намінацый:
Намінацыю будуць разглядаць, калі для ўдзелу ў ёй збярэцца не менш за пяць аўтараў. У кожнай намінацыі можа быць толькі адзін пераможца — аўтар або калектыў аўтараў.
Удзельнічаць у конкурсе можна толькі з неапублікаванымі раней творамі на беларускай або рускай мовах. Публікацыяй у гэтым выпадку будзе лічыцца размяшчэнне іх у інтэрнеце, у тым ліку ў сацыяльных сетках, — як твораў цалкам, так і іх фрагментаў.
Удзельнік на момант падачы заяўкі на конкурс мусіць дасягнуць 18 гадоў і жыць або быць зарэгістраваным на тэрыторыі Гродзенскай вобласці. Адзін аўтар ці калектыў аўтараў можна ўдзельнічаць і перамагаць у некалькіх намінацыях з рознымі творамі.
Творы-пераможцы будуць абіраць, зважаючы на літаратурна-мастацкі ўзровень, актуальнасць тэмы, наяўнасць сучасных літаратурных падыходаў да яе распрацоўкі, абгрунтаванне агульначалавечых каштоўнасцяў і ідэй гуманізму, а таксама выкарыстанне ў творы асаблівасцяў мясцовага каларыту.
У намінацыі «Адкрыццё года» не змогуць узяць удзел члены Гродзенскага абласнога аддзялення дзяржаўнага Саюза пісьменнікаў Беларусі.
Удзельнікам неабходна будзе да 1 лютага года, у які вырашаць праводзіць конкурс, перадаць ва ўпраўленне культуры аблвыканкама заяўку на ўдзел, кароткую аўтабіяграфію і друкаваны і электронны асобнікі твора (шрыфт 14 Times New Roman, фармат А4). У самім творы нельга пазначаць імя аўтара — для аб’ектыўнасці камісіі. Аб’ём твора мусіць быць не меншым за 60 старонак (акрамя намінацыі «Дзіцячая літаратура»).
Да ўдзелу не дапусцяць творы, у якіх камісія заўважыць прапаганду, нават ускосную, гвалту, агрэсіўных паводзін, распальвання нацыянальнай і рэлігійнай варожасці, ужывання алкаголю і наркотыкаў, крымінальнага і амаральнага ладу жыцця, або тых, дзе выкарыстоўваецца ненарматыўная лексіка.
Пераможцаў будзе абіраць камісія з не менш як 9 чалавек. Яе асабісты склад і рэгламент будзе зацвярджаць старшыня аблвыканкама — зараз гэта Уладзімір Каранік.
Пераможца конкурса ў кожнай намінацыі атрымае дыплом у рамцы, букет кветак і грашовую ўзнагароду ў памеры 100 базавых велічынь (зараз гэта 3 700 рублёў). Калі пераможа калектыў аўтараў, дыплом і кветкі дадуць кожнаму, а грошы падзеляць на ўсіх. Сродкі на выплату прызоў і арганізацыю конкурсу возьмуць з абласнога бюджэту.
Гродзенская абласная навуковая бібліятэка імя Карскага прыме ў фонд 40% тыражу ад выдання твора-пераможцы.
Чытайце таксама:
Гродзенскі абласны суд прызнаў Ежы Грыгенчу вінаватым паводле чатырох крымінальных артыкулаў. Яму прызначылі шэсць гадоў…
Блогер з Гродна Аляксей Саўко з ростам у 136 см апублікаваў фота ў футболцы “Команда…
Экран вышынёй 7 метраў з’явіўся на фасадзе гандлёва-забаўляльнага цэнтра Triniti на праспекце Янкі Купалы. Гэта…
Гродзенская вобласць страціла лідарскую пазіцыю па колькасці арганізаваных турыстаў. Цяпер сярод найбольш папулярных напрамкаў —…
Аперацыя праводзіцца на тэрыторыі Гродна і Гродзенскага раёна ў рамках камандна-штабных вучэнняў сілавікоў. На час…
Байкеры выявілі ў Пышках дрот, нацягнуты на ўзроўні шыі. Відэа яны размясцілі ў TikTok. "Вось…