Палацава-паркавы комплекс «Вялікі Свяцк Валовічаў», што па дарозе з Гродна на Аўгустоўскі канал, пачаў прымаць гасцей. Ён адкрыты ў пятніцу, суботу і нядзелю. З панядзелка па чацвер патрапіць можна толькі па папярэднім запыце, паведамілі на старонцы палаца ў Instagram.
Уваход на тэрыторыю комплекса платны:
Комплекс, у тым ліку рэстаран «Свяцкі бровар», працуе:
У рэстаране беларускай кухні «Свяцкі бровар» можна паесці (у меню ёсць закускі, салаты і гарачыя стравы), выпіць кавы ці гарбаты, а таксама пакаштаваць чатыры гатункі крафтавага піва «Свяцкае» мясцовай вытворчасці.
Гатункі піва маюць назвы, звязаныя з гісторыяй Свяцка і ваколіц:
Фота часткі меню размясціла ў сторыз свайго Instagram адна з гродзенскіх блогерак.
Паводле блогеркі, у бровары грала музыка ад выканаўцаў кшталту Хабіба, Джыгана, Zivert і падобных. «Усё было ок, акрамя музыкі. Чаму б у такім аўтэнтычным месцы не ўключыць нешта больш нейтральнае?» — напісала наведніца комплекса.
Пры гэтым наведваннем Свяцка яна засталася задаволеная. Асабліва тым, што пакуль там няма натоўпаў турыстаў і можна спакойна пашпацыраваць.
Глядзіце таксама: Як аднаўлялі палац у Свяцку ў міжваенны час
Палацава-паркавы комплекс у Свяцку афіцыйна адкрылі пасля рэканструкцыі ў траўні 2023 года. Але наведвальнікаў туды не пускалі. Прычына — не вырашаныя пытанні з арганізацыяй харчавання і пошукам персанала.
Зараз у палац таксама яшчэ не пускаюць — толькі на тэрыторыю і ў рэстаран. Капліца, што знаходзіцца на тэрыторыі палацава-паркавага ансамблю, таксама на рэстаўрацыі.
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…