У Гродзенскай вобласці за адзін дзень пройдзе сем працэсаў за распаўсюджванне экстрэмізму

У судах Гродзенскай вобласці 21 ліпеня пройдзе як мінімум сем працэсаў за распаўсюд экстрэмісцкіх матэрыялаў. Людзей судзяць паводле арт.19.11 ч. 2 КаАП «Распаўсюд, выраб, захоўванне, перавозка інфармацыйнай прадукцыі, якая змяшчае заклікі да экстрэмісцкай дзейнасці або прапагандуе такую дзейнасць».

Каго судзяць:

• Байгот Пётр Пятровіч — суд Ленінскага раёна Гродна,
• Карніенка Надзея Сяргееўна — суд Ленінскага раёна Гродна,
• Нядбайлік Віктар Віктаравіч — суд Ленінскага раёна Гродна,
• Савіцкі Васіль Сяргеевіч — суд Ленінскага раёна Гродна,
• Мажарова Таццяна Аляксандраўна — суд Ленінскага раёна Гродна,
• Русіловіч Яўген Дзмітрыевіч — суд Воранаўскага раёна,
• Жыдовіч Сяргей Уладзіміравіч — суд Воранаўскага раёна.

З раскладу судоў відаць, што на некаторыя працэсы адводзяць па 10−20 хвілін.

Вядома пра прыкладна дзесяць затрыманняў у вобласці за апошні месяц за распаўсюд экстрэмісцкіх матэрыялаў. Репост і падпіскі становяцца падставай звярнуць увагу на чалавека, прааналізаваць яго фота і каментары і ў выніку могуць прывесці да ўзбуджэння крымінальнай справы.

Чытайце таксама: Як не стаць экстрэмістам ў Беларусі? Юрыст — аб пакаранні за падпіску, лайк і рэпост