У Гродне запусцяць новую барную гульню-віктарыну – “Матрошка Квіз”. У ёй будуць пытанні на логіку, эрудыцыю, веданне кіно, гульняў і музыкі. Арганізатары абяцаюць “не ўзрываць мозг складанымі пытаннямі”, паведамілі на старонцы квіза ў “ВКонтакте”.
Паводле арганізатараў, гульні будуць праходзіць у рэжыме “лайт”. Там будуць разнастайныя гульнявыя туры і інтэлектуальныя баталіі. Арганізатар новага квіза – Андрэй Карач, які ў верасні 2019 года запусціў у Гродне інтэлектуальную гульню VSпомнить VSё. У розныя гады гэты квіз праходзіў таксама ў Шчучыне і Скідзелі. З 2023 года VSпомнить VSё пачалі праводзіць у Польшчы і Расіі.
Калі адбудзецца першая гульня “Матрошка”, пакуль невядома.
Якія квізы былі ў Гродне раней
Па стане на 2023 год у Гродне праводзяць “Мазгабойню”, “Vsпомніць VSе”, “SuperQuiz”, “Оскар”, “ХопХей”, “Смузи”. Час ад часу праводзяць тэматычныя квізы, напрыклад, музычныя.
