Алесь Пушкін на судзе. Фота: sputnik.by
У рэанімацыі ўначы 11 ліпеня памёр палітвязень і мастак Алесь Пушкін. Пра гэта паведамілі ў Facebook яго блізкія.
«Сёння наччу ў рэанімацыі пры нявысветленых абставінах памёр Алесь Пушкін», — напісалі яго блізкія.
UPD. У гродзенскай турме «Нашай Ніве» паведамілі, што Пушкін знаходзіўся ў бальніцы хуткай медычнай дапамогі. У самой бальніцы пацвердзілі, што мастак-палітвязень быў пад канвоем у рэанімацыі.
UPD 12 ліпеня. У Алеся Пушкіна была прабадная язва, піша Most са спасылкай на крыніцу, знаёмую з сітуацыяй. У бальніцу ён трапіў без прытомнасці, у час аперацыі спынілася сэрца. Паводле крыніцы, на той момант у яго ўжо быў развіты перытаніт, быў сэптычны стан і паліорганная недастатковасць. Шанцаў выжыць ужо практычна не было. Прабадная язва выклікае востры боль, таму пацыент адразу звяртаецца са скаргамі. У чалавека ёсць некалькі сутак, каб вырашыць праблему аператыўна. Калі дапамогу аказаць своечасова, ён адновіцца і будзе жыць далей. Калі гэтага не зрабіць, прабадзенне язвы выкліча перытаніт і сэптычны шок. Крыніца мяркуе, што язва ў Пушкіна магла запаліцца з-за турэмнага харчавання і неаказання медыцынскай дапамогі. Рашэнне пра шпіталізацыю ў гродзенскай турме прымае начальнік медыцынскай часткі Віктар Лутцаў. Пушкіна шпіталізавалі вельмі позна.
Мастака Алеся Пушкіна асудзілі на пяць гадоў пазбаўлення волі ў Мінскім гарадскога суда. Суддзя — Алена Шылько. Мастака абвінавацілі паводле арт. 370 (здзек з дзяржаўных сімвалаў) і ч.3 арт. 130 Крымінальнага кодэкса (Распальванне расавай, нацыянальнай, рэлігійнай альбо іншай сацыяльнай варожасці).
Падставай для затрымання стаў партрэт дзеяча пасляваеннага антысавецкага падполля Яўгена Жыхара, напісаны ў 2014 годзе і ўжо экспанаваны раней.
Алесь Пушкін — беларускі мастак і перформер, член Саюза мастакоў Беларусі. Апошняе яго месца працы — «Белрэстаўрацыя». Як рэстаўратар ён працаваў у Кафедральным касцёле Святога Станіслава ў Магілёве, у касцёлах у Міхалішках (Астравецкі раён) і Вішневе (Валожынскі раён), у палацы Пуслоўскіх (Косава).
Чытайце таксама:
Гродзенскі абласны суд прызнаў Ежы Грыгенчу вінаватым паводле чатырох крымінальных артыкулаў. Яму прызначылі шэсць гадоў…
Блогер з Гродна Аляксей Саўко з ростам у 136 см апублікаваў фота ў футболцы “Команда…
Экран вышынёй 7 метраў з’явіўся на фасадзе гандлёва-забаўляльнага цэнтра Triniti на праспекце Янкі Купалы. Гэта…
Гродзенская вобласць страціла лідарскую пазіцыю па колькасці арганізаваных турыстаў. Цяпер сярод найбольш папулярных напрамкаў —…
Аперацыя праводзіцца на тэрыторыі Гродна і Гродзенскага раёна ў рамках камандна-штабных вучэнняў сілавікоў. На час…
Байкеры выявілі ў Пышках дрот, нацягнуты на ўзроўні шыі. Відэа яны размясцілі ў TikTok. "Вось…