Праект інтэр'ера нэабістро Boboli. Крыніца: Старонка рэстарана ў Instagram
Рэстаран у фларэнтыйскай стылістыцы Boboli адкрыюць на Замкавай у Гродне. Уласнікі пазіцыянуюць месца як нэабістро. Зараз у памяшканні ідзе рамонт, паведамілі ў Instagram установы.
Нэабістро Boboli размясцілася ў гандлёвым цэнтры «На Замкавай» («Доме рыбака»). Установу назвалі ў гонар садова-паркавага ансамбля ў Фларэнцыі. Сады Боболі - прыклад італьянскага маньерызму другой паловы XVI стагоддзя. Інтэр'ер рэстарацыі плануюць зрабіць у стылістыцы гэтага парку.
Чытайце таксама: Адкрыецца без рыбкі. Ці патрэбны гораду «гістарычны» Дом рыбака
Канцэпцыя нэабістро — прыгатаванне простых і зразумелых страваў, напісалі ў Instagram установы. Уладальнікі ўстановы абяцаюць, што прадукты будуць загатаўліваць на ўласнай ферме.
У меню абяцаюць еўрапейскую кухню з акцэнтам на Італію. Там будуць стэйкі, морапрадукты, рыба, пасты, рызота, птушка і класічныя дэсерты ў аўтарскім выкананні.
Дакладная дата адкрыцця пакуль невядома. Уладальнікі нэабістро Boboli абяцаюць адкрыць установу праз некалькі тыдняў.
У «Доме рыбака» ўжо працуюць шоўрум гродзенскага брэнда Zvonkomadewithlove і кавярня «Крепкий белый».
Жыхар Гродна набіў на шчыкалатцы татуіроўку з выявай расійскага рэпера Пашы Тэхніка і подпісам “Досвидания”.…
На сёмым паверсе дома па вуліцы Ліможа, 48Б выстаўлена на продаж трохпакаёвая кватэра плошчай 74,8…
У Гродне рыхтуюцца да святкавання 80-годдзя Перамогі ў Вялікай Айчыннай вайне. Мерапрыемствы аб'яднаюць пад канцэпцыяй…
З 5 красавіка ў Гродне талоны на праезд у гарадскім грамадскім транспарце даражэюць на 10…
У Гродне на Віленскай, 37 адкрыўся новы буцік-гатэль і рэстаран The Cult - і выклікаў…
Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…
