Рэканструкцыя гродзенскага піўзавода. Скрыншот "Гродна Плюс"
У час рэканструкцыі гродзенскага піўзавода будаўнікі адкапалі раней засыпаныя сутарэнні. На плане іх не было і ніхто не бачыў іх апошнія 100 гадоў. Сутарэнні плануюць аднавіць у тых жа габарытах. Пра гэта намеснік дырэктара інвестара ТАА «МБА Інвестмент» Аляксандр Заглубоцкі расказаў тэлеканалу «Гродна Плюс».
На гродзенскім піўзаводзе працягваюць рэканструяваць будынкі. У былым цэху разліву піва гатовыя да мантажу вокнаў. З аднаго боку яны будуць сучасныя, з другога — гістарычныя драўляныя. Будынак пакрыюць фальцавым дахам.
Ідуць працы ў асноўным корпусе. У частцы памяшканняў ужо залілі чарнавую падлогу для мантажу перакрыццяў, усталявалі балкі, закупілі ўсе неабходныя матэрыялы. Там, дзе магчыма, плануюць аднавіць гістарычныя зводчатыя перакрыцці.
Таксама плануюць пачаць адліўку страчаных элементаў лесвіцы. Для гэтага створаць яе 3D-мадэль.
«Частку вонкавых сценаў атынкавалі, прычым самыя працаёмкія моманты — там, дзе фігурная кладка ідзе. Прынята рашэнне пакінуць цагляныя фасады без тынкоўкі, яны захаваюць сваё гістарычнае аблічча, пра гэта многія прасілі, і я думаю, што гэта будзе добрым рашэннем», — сказаў Аляксандр Заглубоцкі.
Былы гродзенскі піўзавод, які спыніў працу ў 2007, рэканструююць пад гандлёва-офісны цэнтр з міні-броварам, музеем і фудкортам. На апошнім плануюць размясціць 12−15 аб’ектаў харчавання рознага накірунку. Таксама там пабудуюць дзіцячую пляцоўку для гульняў. У памяшканнях і падвалах арганізуюць музейную экспазіцыю. Акцэнт зробяць на аўтэнтычных экспанатах, якія знайшлі падчас будаўнічых працаў.
Комплекс аб’яднаюць такім чынам, каб, патрапіўшы ў адну лакацыю, можна было прайсці праз усе прасторы і вярнуцца. Старую агароджу вакол былога піўзавода дэмантуюць і арганізуюць спуск да Нёмана. Разам з набярэжнай і замкавай гарой комплекс аб’яднаюць у адну прастору. Таксама інвестар забудуе пустую пляцоўку побач з піўзаводам.
Чытайце таксама:
Патрапіць у першы будынак адноўленага гродзенскага піўзавода можна будзе ўжо ў 2023 годзе
«Падвалы даходзяць да сярэдзіны Нёмана». Паглядзіце, як ідзе рэканструкцыя гродзенскага піўзавода
Плануецца, што ў кожным раёне з’явіцца па дзве новыя пляцоўкі для выгулу хатніх жывёл. Адпаведны…
Гродзенскі абласны суд прызнаў Ежы Грыгенчу вінаватым паводле чатырох крымінальных артыкулаў. Яму прызначылі шэсць гадоў…
Блогер з Гродна Аляксей Саўко з ростам у 136 см апублікаваў фота ў футболцы “Команда…
Экран вышынёй 7 метраў з’явіўся на фасадзе гандлёва-забаўляльнага цэнтра Triniti на праспекце Янкі Купалы. Гэта…
Гродзенская вобласць страціла лідарскую пазіцыю па колькасці арганізаваных турыстаў. Цяпер сярод найбольш папулярных напрамкаў —…
Аперацыя праводзіцца на тэрыторыі Гродна і Гродзенскага раёна ў рамках камандна-штабных вучэнняў сілавікоў. На час…
