У Гродне на стаянцы каля аддзялення міліцыі падпалілі патрульную машыну. Скрыншот Hrodna.life
У Гродне затрымалі жанчыну, якая, па звестках УУС, падпаліла міліцэйскі аўтамабіль. Для падпалу яна абрала стаянку перад аддзяленнем міліцыі, на якой былі ўсталяваныя камеры.
Усё адбылося 21 чэрвеня каля 17.30. На вуліцы Соламавай у Гродне на стаянцы каля будынка гарадскога аддзела міліцыі (аддзяленне міліцыі № 3 «Фолюш») загарэўся службовы аўтамабіль.
На відэа, апублікаваным прэс-службай міліцыі, відаць, што нейкі чалавек робіць некалькі крокаў да аўтамабіля, падобна, палівае яго гаручай вадкасцю, успыхвае полымя і чалавек адбягае.
Пацярпелых няма, узгаранне хутка патушылі супрацоўнікамі міліцыі, удакладняе прэс-служба. У патрульнага УАЗа пашкоджана лакафарбавае пакрыццё.
Падпальшчыка шукаў увесь асабовы склад міліцыі горада. Па прыкметах супрацоўнікамі крымінальнага вышуку Кастрычніцкага РУУС затрымалі 50-гадовую гродзенку. Яе знайшлі ў самыя кароткія тэрміны, падкрэсліваюць у міліцыі.
На месцы здарэння працавала следча-аператыўная група. Дзеянням затрыманай абяцаюць даць прававую ацэнку.
Праваабаронцы не выключаюцьт, што гэта магла быць правакацыя з боку супрацоўнікаў спецслужбаў.
Гродзенскі абласны суд прызнаў Ежы Грыгенчу вінаватым паводле чатырох крымінальных артыкулаў. Яму прызначылі шэсць гадоў…
Блогер з Гродна Аляксей Саўко з ростам у 136 см апублікаваў фота ў футболцы “Команда…
Экран вышынёй 7 метраў з’явіўся на фасадзе гандлёва-забаўляльнага цэнтра Triniti на праспекце Янкі Купалы. Гэта…
Гродзенская вобласць страціла лідарскую пазіцыю па колькасці арганізаваных турыстаў. Цяпер сярод найбольш папулярных напрамкаў —…
Аперацыя праводзіцца на тэрыторыі Гродна і Гродзенскага раёна ў рамках камандна-штабных вучэнняў сілавікоў. На час…
Байкеры выявілі ў Пышках дрот, нацягнуты на ўзроўні шыі. Відэа яны размясцілі ў TikTok. "Вось…