Вуліца Славацкага, 16. Крыніца: gcn.by
На вуліцы Славацкага, 16 і 16А ў Гродне плануюць пабудаваць шматкватэрны жылы дом. Права на праектаванне і будаўніцтва прададуць з аўкцыёна. Пачатковая цана ўчастка 34,2 тыс. рублёў (€ 12,4 тыс), але дакладная дата аўкцыёна пакуль невядома. Адпаведную інфармацыю апублікавалі на сайце Гродзенскага цэнтра нерухомасці.
Зараз на ўчастку плошчай 0,1980 га размяшчаюцца капітальныя пабудовы — былыя жылыя дамы ў прыватным сектары. Іх плануюць знесці разам з зялёнымі насаджэннямі. Прыкладны памер выдаткаў на знос — 260,4 тыс. рублёў.
Участак можна будзе атрымаць у арэнду на 50 гадоў. На месцы старога дома плануюць пабудаваць жылы дом не вышэй за 11 м.
Участак пад праектаванне і будаўніцтва двух-трохпавярховага дома з мансардай за кінатэатрам «Космас» выстаўлялі на аўкцыён у траўні 2019 года. Тады пачатковая цана ўчастка была 31,8 тыс. рублёў. А знос будынкаў ацэньвалі ў прыблізна 127,6 тыс. рублёў. Гэта быў не першы раз, калі ўчастак выстаўлялі на таргі.
У доме № 16А ніхто не жыве: вокны і дзверы забітыя. Акрамя гэтага, ёсць папяраджальная шыльда аб тым, што знаходзіцца побач з домам небяспечна.
Недалёка ад участка, на вуліцы Астроўскага, ёсць прыпынак грамадскага транспарту, дзіцячы садок, а таксама кінатэатр.
Чытайце таксама: У Калбасіно збудуюць новы квартал. Мусіла быць школа, але выявілася — надта дорага
У Гродне запланавалі бягучы рамонт авальнай залы ў Новым замку. Работы завершаць да канца снежня.…
У Гродзенскім дзяржаўным універсітэце ім. Янкі Купалы месцы ёсць для 82,1% тых, каму яны патрэбны,…
Турыстка прыехала ў Гродна і хацела сфатаграфавацца на фоне вядомай гродзенскай фотазоны - гродзенскага ўніверсітэта,…
Гродзенскі гарадскі выканаўчы камітэт вызначыў месцы, дзе ў Гродне забаронена збіраць подпісы выбаршчыкаў за вылучэнне…
Карціну з выявай помніка Антонію Тызенгаўзу ў гродзенскім Фарным касцёле выставілі на польскі аукцыён Onebid.…
На Карла Маркса, 10 з'явілася чайхана "Халяль" - з мантамі, пловам і лавашам з тандыра.…
