Яўген Бузук - лекар, менеджар, фотамастак. Фота: з архіва Hrodna.life
Фатографа затрымалі за распаўсюд экстрэмісцкіх матэрыялаў. У відэа з затрыманнем мужчына кажа, што зрабіў пост, дзе прапанаваў зніжку тым, хто прытрымліваецца «БЧБ-поглядаў».
Гродзенец распавёў, што запосціў у Instagram фота з маладымі і БЧБ-сцягам. Ён быў гатовы даць зніжку тым, хто прытрымліваецца «БЧБ-поглядаў». Таксама ў 2022 годзе мужчына ездзіў валанцёрам на мяжу Украіну. У яго медыцынская адукацыя — ён скончыў медуніверсітэт і працаваў псіхіятрам.
Яўгена затрымалі дома. На відэа ён быў у майцы з гербам Украіны.
У калекцыі ў Бузука больш за дзясятак узнагарод сусветнага ўзроўню. Яго працы ўдастоіліся «золата» Міжнароднай федэрацыі фотамастацтва і Брытанскай фатаграфічнай Асацыяцыі, Асацыяцыі фатографаў Азербайджана, Славеніі, Сербіі і іншых краін.
UPD 21.20. Яўген Бузук ужо на волі.
«Я ў парадку. Адпачыў, схуднеў. На жаль, прыйшла мая пара прасіць у вас дапамогі - вынікам трохсутачнага адпачынку стала дзірка ў бюджэце. Але лепш напішыце мне ў лічку. Загадзя дзякуй усім за ваша разуменне і падтрымку!», — напісаў гродзенец у Facebook.
Чытайце таксама: Быў псіхіятрам, стаў фатографам. Яўген Бузук распавёў, як памяняў прафесію і знайшоў сябе
Плануецца, што ў кожным раёне з’явіцца па дзве новыя пляцоўкі для выгулу хатніх жывёл. Адпаведны…
Гродзенскі абласны суд прызнаў Ежы Грыгенчу вінаватым паводле чатырох крымінальных артыкулаў. Яму прызначылі шэсць гадоў…
Блогер з Гродна Аляксей Саўко з ростам у 136 см апублікаваў фота ў футболцы “Команда…
Экран вышынёй 7 метраў з’явіўся на фасадзе гандлёва-забаўляльнага цэнтра Triniti на праспекце Янкі Купалы. Гэта…
Гродзенская вобласць страціла лідарскую пазіцыю па колькасці арганізаваных турыстаў. Цяпер сярод найбольш папулярных напрамкаў —…
Аперацыя праводзіцца на тэрыторыі Гродна і Гродзенскага раёна ў рамках камандна-штабных вучэнняў сілавікоў. На час…