Дзе ў Гродне будуць касіць траву ў бліжэйшыя дні?

Сезон кашэння газонаў у Гродне ідзе поўным ходам — асабліва старанна косяць у цэнтры. Прынамсі так паказвае графік кашэння травы «Гродназелянбуда».

Для вызначэння часу кашэння ў розных частках горада «Гродназелянбуд» разбіў Гродна на 6 сектароў і асобна вылучыў зону цэнтра. Праўда, у раздзеле «Графік кашэння на 2023 год» на афіцыйным сайце «Гродназелянбуда» пакуль ёсць графік толькі на травень.

Паводле «Гродназелянбуда», 26 траўня траву павінны касіць:

• на вул. Гарнавых,
• каля філармоніі,
• на пр. Я. Купалы,
• у скверы Памяці воінаў-аўганцаў,
• на вул. Горкага,
• на вул. Лермантава,
• на Румлёўскім праспекце,
• на Усходняй аб’язной,
• на вул. Магістральнай.

27 траўня мусяць касіць:

• пр. Я. Купалы,
• вул. Гая,
• вул. Фамічова,
• вул. Пестрака,
• вул. Перамогі,
• вул. Белуша,
• у раёне Панямуні,
• выезд на трасу М-6,
• вул. Магістральная,
• Румлёўскі праспект,
• пр. Кляцкова,
• Усходняя аб’язная.

На наступным тыдні, з 29 да 31 траўня, косяць траву ў цэнтры, на выездзе на М6 і на вул. Ткацкай.

29−30 траўня будуць косіць у сектары 3 паміж вуліцамі Суворава, Соламавай і ракой Нёман.

31 траўня запланаваны пакос у сектары 4 — гэта амаль уся Пярэселка і частка горада паміж вуліц Дамброўскага, Багуцкага і Горкага.

29 траўня косяць:

• Усходняя аб’язная,
• Румлёўскі праспект,
• Магістральная,
• парк Жылібера,
• Панямуньская,
• Белуша,
• Я. Купалы,
• Фамічова,
• Перамогі,
• праезд Пестрака.

30 траўня:

• Румлёўскі праспект,
• Магістральная,
• Кляцкова,
• Славінскага,
• Каложская царква (адхоны),
• Пестрака,
• Я. Купалы,
• развязка Трыніці,
• Індурская шаша,
• Кабяка.

А як было летась?

Паводле нормаў Міністэрства жыллёва-камунальнай гаспадаркі Рэспублікі Беларусь (загад ад 15.06.2021 № 44), газоны павінны касіць не радзей за раз на месяц з траўня па верасень. На тэрыторыях паркаў, сквераў, уздоўж праезных частак і паблізу стаянак адміністрацыйных будынкаў косяць супрацоўнікі «Гродназелянбуда».

Летась у Гродне не хапала рэсурсаў, каб своечасова касіць траву. Тады чытачцы Hrodna.life з вуліцы Міра у ЖЭСе сказалі, што «касіць няма каму» і ім «не даюць касцоў». З праблемай параілі звярнуцца ў гарвыканкам. На той момант — амаль сярэдзіна чэрвеня — трава вырасла вышэй, чым па пояс дзіцяці ростам 110 см. У двары нават бачылі вужоў. У раёне вуліцы Соламавай і Паповіча ўпершыню пакасілі не ў траўні, а ў пачатку ліпеня.

Чытайце таксама:

• У Беларусі абралі самыя добраўпарадкаваныя гарады: колькі з іх у Гродзенскай вобласці?
• Чаму ў горадзе дрэнна расце трава і навошта яе абавязкова трэба захоўваць
• Что делать, если косцы повредили вашу машину