Капітальны рамонт дома на 17 верасня. Фота: Urban Hrodna
Адзін з самых запамінальных дамоў раёна Новы Свет, дом на 17 Верасня, 17, перажывае капітальны рамонт. На гэта звярнуў увагу канал Urban Hrodna.
Жылы дом у зялёнай ашалёўцы вылучаецца ганкам з двума ўваходамі і разнымі дзвярамі. Зараз у будынку распачалі капітальный рамонт. З фасада знялі ашалёўку разам з драўляным падзорам, перакрываюць дах. Бачна, што сам дом у добрым стане — вянцы не згнілыя.
Ці адновяць зняты разьбяны дэкор, пакуль невядома.
Паводле плана працы мусяць скончыць да 30 траўня. Праектыроўшчык — архітэктурна-канструктарскае бюро «Конарх».
Дом збудаваны каля 1910 г. Адзін з бакавых фасадаў - цагляны брандмаўэр. Да прыхода савецкай улады домам валодала сям’я Янушкевічаў.
Па ўсім перыметры страхі будынак аздоблены падзорам тэхналагічна складанай прапілоўкі, сказана пра будынак у даведніку «Біяграфія гарадзенскіх вуліц. Ад Фартоў да Каложы». Фрызавы дэкаратыўны пояс, утвораны накладной, паверх асноўнай, вертыкальнай шалёўкай з прапілаванымі канцамі, з’яўляецца самым эфектым акцэнтам гэтага будынка, як і высокамастацкай работы дзверы: філёнгавыя, з разнымі ўстаўкамі.
Чытайце таксама:
Плануецца, што ў кожным раёне з’явіцца па дзве новыя пляцоўкі для выгулу хатніх жывёл. Адпаведны…
Гродзенскі абласны суд прызнаў Ежы Грыгенчу вінаватым паводле чатырох крымінальных артыкулаў. Яму прызначылі шэсць гадоў…
Блогер з Гродна Аляксей Саўко з ростам у 136 см апублікаваў фота ў футболцы “Команда…
Экран вышынёй 7 метраў з’явіўся на фасадзе гандлёва-забаўляльнага цэнтра Triniti на праспекце Янкі Купалы. Гэта…
Гродзенская вобласць страціла лідарскую пазіцыю па колькасці арганізаваных турыстаў. Цяпер сярод найбольш папулярных напрамкаў —…
Аперацыя праводзіцца на тэрыторыі Гродна і Гродзенскага раёна ў рамках камандна-штабных вучэнняў сілавікоў. На час…