Кніга Дзяніса Трусава "Бовь и мерть в Хродне". Крыніца: Старонка Дзяніса Трусава ў Facebook
Кнігу «Бовь и мерть в Хротне» выдалі ў выдавецтве «ЛітАры». Яе аўтар — Дзяніс Трусаў, сын гродзенскага даследчыка архітэктуры Ігара Трусава. Пра сваю новую кнігу аўтар распавёў Hrodna.life.
«Фармальна кніга — гэткі постамадэрнісцкі, метафізічны дэтэктыў з элементам навуковай фантастыкі, але насамрэч гэта кніга пра станаўленне чалавечай душы, пра самаўсведамленне — чалавечае і нацыянальнае, пра непазбежнасць Бога», — сказаў Hrodna.life аўтар кнігі Дзяніс Трусаў.
Паводле словаў аўтара, адзін з яго пастаянных чытачоў назваў кнігу «хрысціянскім sci-fi пра аднаўленне дадзеных з воблака».
Ідэя кнігі з’явілася ў аўтара ў пачатку 2000-х гадоў. Тады ён пастаянна ездзіў на цягніку паміж Гроднам і Беластокам. «Я напісаў тады старонак 50. І потым мой камп’ютар аддаў канцы, кніга загінула разам з „хардам“. Я пасумаваў, вядома, грунтоўна і вырашыў калі-небудзь зноў вярнуцца да гэтай ідэі».
За гэты час Дзяніс Трусаў напісаў і выдаў тры іншыя кнігі. У 2020 годзе ён вярнуўся да задумы і пачаў перапісваць усё спачатку. Скончыў працу над творам ён летам 2022 года.
Паводле аўтара, назва кнігі «Бовь и мерть в Хротне» — алюзія да рамана «Жах і агіда ў Лас-Вегасе» амерыканскага пісьменніка Хантара Томпсана. Мастачка Марына Барташ, якая ствара вокладку кнігі, зрабіла шрыфт падобным да таго, што быў на постары да аднайменнага фільма з Джоні Дэпам.
«Горад Хротна ў кнізе з аднаго боку ўмоўны, а з другога — вядомы і пэўны, прысутнічае на кожнай старонцы, гэта хранатоп, гэта сцэна і кулісы падзей, якія адбываюцца ў рамане», — сказаў Дзяніс Трусаў.
Паводле словаў аўтара, для гродзенцаў у тэксе шмат пасхалак. Бо для яго Гродна — чароўны, магічны горад, месца, якое жыве ў чалавеку. «Гэта горад, у якім я сфармаваўся як асоба, сустрэў сваіх лепшых сяброў, пазнаў любоў і смерць. Гродна заўсёды быў для мяне шматпланавым, поўным розных сэнсаў - нацыянальных, культурных, рэлігійных, містычных. Гэта і горад памежжа, не толькі адчувальнага але і духоўнага, тут дух такога беларускага „Твін Пікса“».
«Мне вельмі важны кантак з чытачамі, я вельмі шчаслівы, што за шматлікія гады ў мяне склалася кола пастаянных чытачоў і слухачоў [Дзяніс Трусаў - лідар музычнага праекта Autonomicon — Hrodna.life]. Але з-за таго, што я ўжо чвэрць стагоддзя жыву ўдалечыні ад радзімы [у В’етнаме — Hrodna.life], зрабіць прэзентацыю кнігі ў родным горадзе не атрымаецца, хоць і вельмі хочацца», — сказаў Трусаў.
Прачытаць кнігу таксама можна ў электронным варыянце.
Гродзенскі абласны суд прызнаў Ежы Грыгенчу вінаватым паводле чатырох крымінальных артыкулаў. Яму прызначылі шэсць гадоў…
Блогер з Гродна Аляксей Саўко з ростам у 136 см апублікаваў фота ў футболцы “Команда…
Экран вышынёй 7 метраў з’явіўся на фасадзе гандлёва-забаўляльнага цэнтра Triniti на праспекце Янкі Купалы. Гэта…
Гродзенская вобласць страціла лідарскую пазіцыю па колькасці арганізаваных турыстаў. Цяпер сярод найбольш папулярных напрамкаў —…
Аперацыя праводзіцца на тэрыторыі Гродна і Гродзенскага раёна ў рамках камандна-штабных вучэнняў сілавікоў. На час…
Байкеры выявілі ў Пышках дрот, нацягнуты на ўзроўні шыі. Відэа яны размясцілі ў TikTok. "Вось…