На тэрыторыі прафілакторыя на Томіна, які знеслі, пабудуюць новы комплекс. Адміністрацыя «АзотСэрвіс» перадала працоўны праект новага аздараўленчага комплексу. Папярэдне ён уключыць залы харчавання, спа-адпачынку, блок з рознымі відамі лазняў і саунаў, паведамляе «Гродзенскі хімік».
Зносілі прафілакторый супрацоўнікі «Гроднапрамбуд». Землі вызвалілі ад старой забудовы і добраўпарадкавалі.
Праект будучага рэкрэацыйнага комплексу ўжо абмяркоўваецца рабочай групай.
Аздараўленчы цэнтр уключаў у сябе дзеючы крыты басейн і будынак прафілакторыя, якое знаходзілася на кансервацыі. Раней аздараўленчы цэнтр планавалі прадаць з паніжэннем цаны на 80% - пакупнікоў гэта не зацікавіла. Будынак вырашылі знесці.
«Гродна Азот» прапанаваў гродзенцам самім выбраць, што будзе на месцы прафілакторыя на Томіна. У апытанні лідзіравалі паркавая зона адпачынку, спартыўны комплекс з трэнажорнай залай, СПА-гатэль/цэнтр з разнастайнасцю працэдур.
