У Гродне на месяц раней пачалі сезон атракцыёнаў у парку Жылібера. Прычына – добрае надвор’е, паведаміў тэлеканал АНТ. Да новага сезона ў парку адкрылі новы атракцыён для маленькіх дзетак – “Вусень”.
“Вырашылі скарыстацца ўмовамі надвор’я. Чаму б нам не запусціць атракцыёны, калі нам дазваляе тэмпературны рэжым эксплуатацыі. Зрабілі апытанку – і ў нас з’явілася навінка з атракцыёнаў. І дзеці вельмі задаволеныя, і эфект гэты спрацаваў”, – сказаў дырэктар Гродзенскага парка забаў Павел Кавалевіч.
Чаму атракцыёны закрываюць на зіму
У парку ўжо працуюць усе 15 атракцыёнаў. На зіму частку атракцыёнаў закрываюць. Тэхніка можа вытрымаць маразы да -10 градусаў. Крытыя павільёны на зіму не закрываюць. Працаваць атракцыёны будуць да канца восені.
У парку лічаць, што наплыў наведвальнікаў будзе па вачарах, калі бацькі сканчаюць працу і могуць прыходзіць з дзецьмі ў парк для адпачынку.
