Гродзенскі святар Георгій Рой пакінуў Беларусь. Яго разам з мінскім іерэем Аляксандрам Кухтам прынялі ва Усяленскі патрыярхат — галоўны патрыярхат праваслаўнай царквы, які размяшчаецца ў Стамбуле, паведаміў Telegram-канал «Хрысціянская візія».
Святары пакінулі Беларусь і пераехалі ў Літву ў сувязі з пераследам з-за іх грамадзянскай пазіцыі. Яны звярнуліся да Патрыярха Канстанцінопальскага Варфаламея з просьбай прыняць іх «пад свой амафор [частка аблачэння архіерэя — Hrodna.life]», бо іх сумленне не дазваляла знаходзіцца ім у юрысдыкцыі Маскоўскага Патрыярхата.
Чытайце падрабязней: «Быў бы ў Беларусі - мусіў бы маўчаць». Георгій Рой — пра сыход з Маскоўскага патрыярхату, пакліканне і крызіс царквы
У ліпені 2021 года настаяцеля Пакроўскага сабора протаірэя Георгія Роя знялі з пасады. Яго накіравалі служыць у храм у вёсцы Квасоўка побач з Гродна. Рой быў адным з некалькі праваслаўных святароў, якіх знялі з пасадаў пасля прымусовай адпраўкі на пенсію архіепіскапа Арцемія, які меў імідж прадэмакратычнага іерарха.
У красавіку 2022 года Георгій Рой падпісаў зварот святароў РПЦ з заклікам да прымірэння і сканчэння вайны ва Украіне.
Чытайце таксама:
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…