Былую паліклініку на вуліцы Міцкевіча, 5 прадалі з аўкцыёна 17 лютага 2022 года. Цана будынка склала 74 тыс. рублёў, паведаміў «Вечерний Гродно». Там плануюць адкрыць краму атрыбутыкі для фанатаў гульняў, анімэ і серыялаў ад сеткі «Суперлама».
Будынак былой паліклінікі размяшчаецца паміж былым галоўным офісам «Белінвестбанка» і драўляным «домам з цмокамі». Апошнія гады пабудова пуставала. Першыя раз будынак спрабавалі прадаць з аўкцыёна ў жніўні 2022 года. Тым разам кошт аб’екта складаў 109 тыс. рублёў. Але праз адсутнасць пакупнікоў аўкцыён не адбыўся.
На другім аўкцыёне кошт будынка знізілі на 50%, да 58 тыс. рублёў. Таргі адбываліся паміж двума ўдзельнікамі аўкцыёна. У выніку будынак выкупіла фірма «Суперлама» за 74 тыс. рублёў.
Будынак на вуліцы Міцквевіч, 5 пабудавалі ў 1932 годзе. Ён мае склеп і прыбудову. Сцены з бруса, абліцаваныя цэглай. Перакрыцці і падлога ў доме дашчаныя. Плошча амаль 152 кв. м. Камунікацый на ўчастку няма.
Паводле правілаў аўкцыёна, новы ўладальнік будынка павінен не больш чым праз тры гады ўвесці пабудову ў эксплуатацыю. Будынак знаходзіцца на тэрыторыі гісторыка-культурнай каштоўнасці «Гістарычны цэнтр горада Гродна». Таму ўладальніку забаронена знішчаць, наносіць шкоду, псаваць тэхнічны стан будынка, а таксама змяняць архітэктуру яго фасада.
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…