Анджэй Пачобут у судзе. Фота: БелТА
Суддзя Дзмітрый Бубенчык асудзіў палітзняволенага журналіста Анджэя Пачобута да 8 гадоў калоніі ўзмоцненага рэжыму, паведамляе БелТА. Прысуд вынеслі 8 лютага ў Гродзенскім абласным судзе.
Андрэя абвінавацілі па арт. 361 КК «Заклікі да дзеянняў, накіраваных на прычыненне шкоды нацыянальнай бяспецы Рэспублікі Беларусь» і арт. 130 КК «Распальванне расавай, нацыянальнай, рэлігійнай альбо іншай сацыяльнай варожасці або варажнечы». Судовыя пасяджэнні былі закрытымі. Па арт. 361 КК яму прызначылі тры гады пазбаўлення волі, па арт. 130 КК — сем гадоў. Канчатковае пакаранне вызначылі шляхам частковага складання пакаранняў.
Паводле абвінавачання, Пачобут на працягу многіх гадоў працаваў у «нелегальнай арганізацыі, якая нібыта аб’ядноўвае палякаў у Беларусі» і збіраў інфармацыю ў інтарэсах замежных арганізацый. Ён таксама «заклікаў да санкцый у дачыненні да Беларусі», «спрыяў гераізацыі Арміі Краёвай».
Дзяржабвінаваўца — Дзяніс Корда.
Супрацоўнікі дзяржаўных выданняў прысвяцілі суду свае сюжэты, у якіх паспрабавалі дыскрэдытаваць журналіста.
Анджэй Пачобут — журналіст і адзін з лідэраў непрызнанага беларускімі ўладамі Саюза палякаў Беларусі. Працаваў у недзяржаўных беларускіх медыя, супрацоўнічаў з замежнымі выданнямі. Вывучае гісторыю Арміі Краёвай на тэрыторыі Беларусі.
Чытайце таксама
«Беларуская асацыяцыя журналістаў рашуча пратэстуе супраць гэтага выраку. Ад самага пачатку справа супраць Анджэя Пачобута выглядала, як расправа за іншадумства і шматгадовую цвёрдую грамадскую пазіцыю журналіста. Сённяшні прысуд, вынесены пасля разгляду справы ў закрытым рэжыме, не мае нічога агульнага з правасуддзем і з’яўляецца помстай нашаму калегу. Беларуская асацыяцыя журналістаў патрабуе неадкладнага вызвалення Анджэя Пачобута і ўсіх 33-х прадстаўнікоў медыя, якія знаходзяцца за кратамі ў Беларусі на сённяшні дзень», — напісала Беларуская асацыяцыя журналістаў.
«Беларуска-польскі журналіст Анджэй Пачобут быў прысуджаны да 8 гадоў пазбаўлення волі за выкананне сваёй працы. Гэта асабістая помста Лукашэнкі. Анджэй адмовіўся ад любых здзелак з незаконным рэжымам. Цяпер мы павінны зрабіць усё магчымае, каб вызваліць яго разам з усімі іншымі палітычнымі закладнікамі», — напісала лідарка дэмакратычных сіл Святлана Ціханоўская.
«Асуджаем несправядлівы вырак, вынесены судом аўтарытарнай дзяржавы. Анджэй Пачобут — гэта польскі і беларускі патрыёт. Падтрымліваем яго і будзем падтрымліваць. Надыйдзе дзень, калі вольны Анджэй Пачобут і беларускія палякі змогуць жыць на вольнай Беларусі», — напісаў у сваім Twitter прэс-сакратар Міністэрства замежных справаў Польшчы Лукаш Ясіна.
Гродзенскі абласны суд прызнаў Ежы Грыгенчу вінаватым паводле чатырох крымінальных артыкулаў. Яму прызначылі шэсць гадоў…
Блогер з Гродна Аляксей Саўко з ростам у 136 см апублікаваў фота ў футболцы “Команда…
Экран вышынёй 7 метраў з’явіўся на фасадзе гандлёва-забаўляльнага цэнтра Triniti на праспекце Янкі Купалы. Гэта…
Гродзенская вобласць страціла лідарскую пазіцыю па колькасці арганізаваных турыстаў. Цяпер сярод найбольш папулярных напрамкаў —…
Аперацыя праводзіцца на тэрыторыі Гродна і Гродзенскага раёна ў рамках камандна-штабных вучэнняў сілавікоў. На час…
Байкеры выявілі ў Пышках дрот, нацягнуты на ўзроўні шыі. Відэа яны размясцілі ў TikTok. "Вось…