Антон Янкоўскі, заснавальнік крамы-клуба "Кубік" перад закрыццём. Фота: Hrodna.life
Былы ўладальнік крамы настольных гульняў «Кубік» і распрацоўшчык настольных гульняў Антон Янкоўскі паведаміў, што затрыманы за рэгістрацыю ў чат-боце «План Перамога» і распаўсюд экстрэмісцкіх матэрыялаў «ВКонтакте». Відэа з ім выклаў Telegram-канал «Пульс Гродно».
Антон падкрэсліў, што не здзейсніў ніякіх супрацьпраўных дзеянняў пасля рэгістрацыі ў «Плане Перамога».
Сілавікі паведамілі, што яму пагражае адказнасць па арт. 361−1 КК «Стварэнне экстрэмісцкага фарміравання або ўдзел у ім». Таксама яго чакае адміністрацыйнае спагнанне паводле арт.19.11 КаАП. Звычайна па гэтым артыкуле прысуджаюць суткі адміністрацыйнага арышту.
Паводле інфармацыі Hrodna.life, мужчыну затрымалі на вуліцы 24 студзеня каля 12−13 гадзін дня. У яго — жонка і малалетняе дзіця.
Чытайце таксама:
UPD 11 красавіка. Антон Янкоўскі - падазраваны па крымінальнай справе. Яго прыцягнулі да адміністрацыйнай адказнасці паводле ч. 1 арт.19.10 і ч.2 арт. 19. 11 КаАП. 30 студзеня яго прызналі падазраваным паводле ч. 3 арт. 361−1 КК «Стварэнне экстрэмісцкага фармавання альбо ўдзел у ім». Пра гэта стала вядома з дакументаў, якія выклала Вольга Бондарава.
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…