Фота: "Гродненская правда"
Савет Міністраў скарэктаваў правілы гандлю на рынках і іншыя пытанні рэалізацыі тавараў. Змены датычацца правілаў выкладкі алкаголю і тавараў з дзяржсімволікай і працы рынкаў.
Змены замацаваны пастановай ад 30 снежня 2022 г. № 964 «Аб змяненні пастаноў Савета Міністраў Рэспублікі Беларусь па пытаннях продажу тавараў». Сам дакумент на прававым партале яшчэ не размясцілі, але вытрымкі з яго апублікавалі.
Мяняецца пералік тавараў, забароненых да продажу на тэрыторыі рынку (пастанова Савета Міністраў Рэспублікі Беларусь ад 16 ліпеня 2014 г. № 686 «Аб функцыянаванні рынкаў»).
Выправілі правілы камісійнага гандлю нехарчовымі таварамі (пастанова Савета Міністраў Рэспублікі Беларусь ад 1 чэрвеня 2007 г. № 744). Змены закрануць камісійны гандаль транспартнымі сродкамі.
Новы дакумент змяняе і правілы продажу асобных відаў тавараў і ажыццяўлення грамадскага харчавання (пастанова Савета Міністраў Рэспублікі Беларусь ад 22 ліпеня 2014 г. № 703).
Зараз тавары, якія змяшчаюць выяву дзяржаўных сімвалаў Беларусі, трэба будзе выкладваць асаблівым спосабам. Яны павінны будуць візуальна аддзялілася ад іншых. Пры іх павінны прысутнічаць надпіс «Дзяржаўныя сімвалы Рэспублікі Беларусь».
Алкагольныя напоі забаранілі выкладваць у месцы правядзення разлікаў з пакупнікамі і на (у) стэлажах, непасрэдна да яго прылеглых. Правіла не распаўсюджваецца на спецыялізаваныя і фірмовыя крамы па продажы алкагольных напояў, крамы Duty free, крамы і павільёны з гандлёвай плошчай 400 і менш квадратных метраў або размешчаныя ў сельскай мясцовасці. Яно не тычыцца аўталавак і аб’ектаў грамадскага харчавання.
Дакумент уступіць у сілу з 22 студзеня 2023 года.
Чытайце таксама:
Будынак былой камендатуры (палац Чацвярцінскіх) у парку Жылібера набыў канчатковыя рысы пасля абнаўлення. Праўда, новы…
Гродзенцы скардзяцца, што пракаціцца на веласіпедзе ці роліках па веладарожцы ў Пышках праблематычна. Прычына ў…
Гродзенка Вікторыя паскардзілася ў Threads, што запісацца на прыём да мясцовых артадонтаў амаль немагчыма. Пра…
Сілавікі прыйшлі да маці журналіста і блогера Валерыя Руселіка ўвечары 9 красавіка. Яны былі ў…
Валянцін Байко, намеснік дырэктара па развіцці «Контэ Спа», і яго брат, Дзмітрый Байко, намеснік дырэктара…
Grodno Coffee Festival пройдзе ў Гродне з 15 па 29 красавіка. У фестывалі возьмуць удзел…