Гродзенец заплаціў за дапамогу «адкасіць» ад войска. Яго ўсё роўна забралі - ён падаў у суд

Гродзенец звярнуўся ў прыватную фірму, якая павінна была дапамагчы «адкасіць» ад войска, але яго ўсё роўна выклікалі ў ваенкамат. Кампанія не змагла вярнуць грошы кліенту, бо рахунак фірмы заблакавалі. Справа скончылася ў судзе, паведаміла «Перспектыва».

Войска. Ілюстрацыйнае фота. Крыніца:

«Жыхар абласнога цэнтра знайшоў у інтэрнэце фірму, з якой заключыў дамову на аказанне інфармацыйных паслуг па адным з прапанаваных тарыфаў, канчатковым вынікам якіх з’яўлялася атрыманне ваеннага білета і вызваленне ад праходжання вайсковай службы ва Узброеных Сілах Рэспублікі Беларусь», — сказаў суддзя Кастрычніцкага раёна ў Гродне Дзмітрый Шанін.

Замоўца заплаціў 950 рублёў. Яму далі рэкамендацыі па зваротах у медустановы, каб камісія прызнала яго нягодны да тэрміновай службы ў войску. Але ў выніку хлопец усё роўна атрымаў позву ў ваенкамат.

Чытайце таксама: Як гродзенцы «касілі» ад войска

Якія былі ўмовы дамовы

Паводле ўмоваў дамовы, калі хлопец аплаціў паслугу, але патрапляў у войска, яму павінны былі вярнуць 50% ад усёй сумы. Калі замоўца запатрабаваў вернуць яму 475 рублёў, то фірма прызнала сваю неправату, але грошы не вярнула. Прычына — рахунак фірмы арыштавалі, пасля таго, як дзейнасцю кампаніі зацікавіліся праваахоўнікі.

У ліпені 2022 года сайты арганізацый, якія дапамагалі прызыўнікам атрымаць ваенны білет без службы ў войску, перасталі працаваць і недаступныя да гэтага часу. Гэта былі фірмы, якія дапамагалі знайсці легальныя спосабы не служыць, напрыклад, па стане здароўя. Тады Праўладныя Telegram-каналы пісалі, што «канторкі для ўхілістаў прыхлопнуць», а іх уладальнікі «добраахвотна» і «ўласнаручна» напісалі заявы аб ліквідацыі кампаній. Пазней сілавікі выклалі пакаянныя відэа з кіраўнікамі некаторых з іх.

Гродзенец звярнуўся ў Гродзенскае абласное таварыства абароны правоў спажыўцоў, падманутых на прэзентацыях. У яго была дамова і квіток аб аплаце. Прадстаўнік таварыства падаў ў суд.

Што вырашыў суд

Суд Кастрычніцкага раёна ў Гродне вырашыў, што фірма павінна вярнуць гродзенцу 50% усёй сумы, а таксама кампенсаваць маральную шкоду 200 рублёў. Акрамя гэтага фірма павінна аплаціць таварыству абароны правоў спажыўцоў 1,5 тыс. рублёў як кампенсацыю за аказанне дапамогі спажыўцу.

Чытайце таксама: Новыя правілы адтэрміноўкі ад войска ў Беларусі: студэнты замежных ВНУ больш яе не атрымаюць

Калі хлопец зможа атрымаць свае грошы невядома. Намеснік старшыні суда Кастрычніцкага раёна ў Гродне Ксенія Стасюкевіч тлумачыць гэта тым, што ў фірмы «сумнеўная рэпутацыя».

Падзяліцца

Апошнія запісы

Палац Чацвярцінскіх у Гродне набыў канчатковыя рысы — аўтэнтычны дах аднаўляць не будуць

Будынак былой камендатуры (палац Чацвярцінскіх) у парку Жылібера набыў канчатковыя рысы пасля абнаўлення. Праўда, новы…

11 красавіка 2025

«Стаміўся пераскокваць сабачак і дзетак». Веласіпедысты не могуць дамовіцца з пешаходамі ў Пышках

Гродзенцы скардзяцца, што пракаціцца на веласіпедзе ці роліках па веладарожцы ў Пышках праблематычна. Прычына ў…

11 красавіка 2025

Гродзенцы скардзяцца на вялікія чэргі да артадонтаў — у некаторых клініках няма запісу нават на 2026 год

Гродзенка Вікторыя паскардзілася ў Threads, што запісацца на прыём да мясцовых артадонтаў амаль немагчыма. Пра…

11 красавіка 2025

На журналіста з Гродна Валерыя Руселіка збіраюць «арыентыроўку». Прыйшлі да яго сталой мамы

Сілавікі прыйшлі да маці журналіста і блогера Валерыя Руселіка ўвечары 9 красавіка. Яны былі ў…

11 красавіка 2025

Гродзенцы браты Байко ўвайшлі ў ТОП-100 паспяховых бізнесменаў Беларусі — але апускаюцца ўсё ніжэй

Валянцін Байко, намеснік дырэктара па развіцці «Контэ Спа», і яго брат, Дзмітрый Байко, намеснік дырэктара…

10 красавіка 2025

У красавіку ў Гродне пройдзе лакальны кававы фестываль. Колькі каштуе сэт і хто удзельнікі?

Grodno Coffee Festival пройдзе ў Гродне з 15 па 29 красавіка. У фестывалі возьмуць удзел…

10 красавіка 2025