Фота ілюстрацыйнае: Rijk van de Kaa, unsplash.com
Топ-10 самых вялікіх і цяжкіх гнёздаў буслоў вызначылі ў Еўропе. Тры з іх знаходзяцца ў Беларусі, адно ў Галандыі, астатнія — у Польшчы. Адно з беларускіх гнёздаў-рэкардсменаў знайшлося ў Малой Бераставіцы Гродзенскай вобласці. Такія вынікі конкурса, які правёў факультэт біялогіі Універсітэта ў Беластоку.
З ліпеня да кастрычніка 2022 арганізатар конкурса — арнітолаг Адам Збырыт — прымаў фотаздымкі ад аматараў птушак з усёй Еўропы. Агулам яму даслалі здымкі 27 розных буслянак з шасці краін: найбольшыя з іх мелі больш за два метры вышыні і каля двух метраў у дыяметры.
Самая вялікая ў Беларусі буслянка знаходзіцца ў Друі (Віцебская вобласць) — яе дыяметр 2,5 м, вышыня — 1,5 м. Гняздо ў Малой Бераставіцы — 1,5 на 1,5 метры. Трэцяе з найбуйнейшых беларускіх гнёздаў знаходзіцца ў Аршанскім раёне — 1,75 метры вышыні ні 1,5 метры дыяметру.
Чытайце таксама: «Дагонім і перагонім Афрыку». Што пра ідэю Шуневіча страляць буслоў думаюць паляўнічыя і бёрдуочары
Сярэдняя вага аднаго буслінага гнязда ў нашым рэгіёне — 400 кілаграм, сцвярджае Адам Збырыт. Самыя вялікія могуць важыць нават тону. Вага і памер залежаць ад таго, наколькі гняздо старое: буслы штогод разбудоўваюць яго.
«Узважыць» гняздо можна, ведаючы хаця б прыкладныя яго памеры. Навукоўцы з Універсітэта ў Беластоку распрацавалі для гэтай мэты адмысловы калькулятар.
Плануецца, што ў кожным раёне з’явіцца па дзве новыя пляцоўкі для выгулу хатніх жывёл. Адпаведны…
Гродзенскі абласны суд прызнаў Ежы Грыгенчу вінаватым паводле чатырох крымінальных артыкулаў. Яму прызначылі шэсць гадоў…
Блогер з Гродна Аляксей Саўко з ростам у 136 см апублікаваў фота ў футболцы “Команда…
Экран вышынёй 7 метраў з’явіўся на фасадзе гандлёва-забаўляльнага цэнтра Triniti на праспекце Янкі Купалы. Гэта…
Гродзенская вобласць страціла лідарскую пазіцыю па колькасці арганізаваных турыстаў. Цяпер сярод найбольш папулярных напрамкаў —…
Аперацыя праводзіцца на тэрыторыі Гродна і Гродзенскага раёна ў рамках камандна-штабных вучэнняў сілавікоў. На час…