Абяцалі закрыцца, але перадумалі? Макдональдс у Беларусі яшчэ не ўсё

Анансаванае закрыццё рэстаранаў «Макдональдс» у Беларусі пакуль адклалі. Знаёмая «М», якую разам з іншымі шыльдамі і плакатамі дэмантавалі 18 лістапада, вярнулася на рэстаран каля філармоніі.

«Пакуль працуем у ранейшым рэжыме. Калі нешта зменіцца, не ведаем», — распавялі чытачу Hrodna.life у касе рэстарана на Гарнавых раніцай 22 лістапада.

Шыльды часткова вярнуліся і ў Мінску, піша Office life. Пры гэтым мабільны дадатак McDonald’s ужо неактыўны ў Беларусі. Налічэнне балаў у праграме «Мой М» у дадатку недаступна з 11 лістапада.

Закрыццё адмяняецца?

У кантакт-цэнтры расійскай сеткі «Вкусно — и точка», якая павінна была адкрыцца на месцы Mcdonald’s, пра прычыны скасавання адкрыцця ў Беларусі не ведаюць, піша «Зер**ло». Mcdonald’s у Беларусі можа працаваць яшчэ некалькі тыдняў, паведамляе выданне са спасылкай на супрацоўніка рэстарана. Пры гэтым у асяроддзі работнікаў ходзяць чуткі, што" смачна — і кропка «можа і зусім не адкрыцца.

Супрацоўнік McDonald’s дапусціў, што захаванне брэнда можа быць звязана з нежаданнем казахскага франчайзі, якому належаць рэстараны ў Беларусі, сыходзіць з рынку. Іншая версія — змаглі вырашыць праблемы з пастаўкамі, праз якія збіраліся закрывацца. З 11 лістапада, па словах супрацоўніка, праблем з пастаўшчыкамі не было.

Куды сыходзіць Мак

Раней у McDonald’s абвесцілі, што рэстараны брэнда ў Беларусі працуюць да 18.00 21 лістапада. Да гэтага ў кастрычніку ў рэстарана з’явіліся змены ў меню з-за праблем у пастаўках. Ажыятажу ў заяўлены апошні дзень працы рэстарана ў Гродне не было. Некаторыя наведвальнікі нават не ведалі пра закрыццё, іншыя ж казалі, што будуць сумаваць і ў новы рэстаран, хутчэй за ўсё, не пойдуць.

Раніцай 22 лістапада на месцы McDonald’s павінны былі адчыніцца ўстановы расbйскай сеткі «Вкусно — и точка». «Вкусно — и точка» належыць расійскаму бізнэсоўцу Аляксандру Говару, што выкупіў рэстараны амерыканскай сеткі ў Расіі. З Расіі McDonald’s сышоў у траўні 2022 года праз вайну ва Украіне.

Першыя тры рэстарана McDonald’s адкрылі ў Мінску 10 снежня 1996 года. Беларусь стала 100 краінай, у якую прыйшоў брэнд. Першы гродзенскі McDonald’s адкрылі толькі ў кастрычніку 2020 года на Савецкіх пагранічнікаў. Ён стаў 21-й рэстаранам гэтай сеткі ў Беларусі.

Чытайце таксама: Ушла эпоха и точка. От McDonald’s в Гродно остались только воспоминания. Читайте, какие