Тэрыторыя пад забудову. Крыніца: "Вечерний Гродно"
Вялікую тэрыторыю ад вуліцы Астроўскага да заапарка будзе забудоўваць «Гроднажылбуд». Ён выкупіў участак плошчай 6,6 га на аўкцыёне 8 лістапада. У гродзенскага забудоўшчыка быў толькі адзін канкурэнт, паведаміў «Вячэрні Гродна».
У аўкцыёне ўдзельнічалі прадстаўнікі гродзенскай будаўнічая кампаніі «Гроднажылбуд» і брэсцкай «Палессежылбуд». За арэнду ўчастка на 10 гадоў гродзенская кампанія заплаціць 271,3 тыс. рублёў. Пачатковая цана складала 208,7 тыс. рублёў. Таксама інвестар павінен аплаціць выдаткі за знос існуючых пабудоваў. Прыкладная сумма выдаткаў - 2,8 млн рублёў.
На ўчастку з’явіцца раён шматпавярховікаў вышынёй ад пяці да дзесяці паверхаў. Акрамя гэтага на тэрыторыі можна пабудаваць аб’екты абслугоўвання насельніцтва, напрыклад, гандлёвыя цэнтры. Жылыя дамы, якія зараз знаходзяцца на гэтай тэрыторыі, зносіць не будуць.Таксама забудоўшчык павінен будзе пабудаваць дзіцячы садок. Дапушчальна, каб ён быў убудавана-прыбудаваны ў жылы дом.
Акрамя гэтага забудоўшчыку варта прадугледзець пляцоўкі для гаспадарчых мэтаў, адпачынку дарослых і дзяцей, а таксама месцы для заняцца спортам. Па магчымасці варта максімальна захаваць зялёныя насаджэнні.
Чытайце таксама: Стала вядома, як будзе выглядаць новы гандлёвы цэнтр у Грандзічах
Гродзенскі абласны суд прызнаў Ежы Грыгенчу вінаватым паводле чатырох крымінальных артыкулаў. Яму прызначылі шэсць гадоў…
Блогер з Гродна Аляксей Саўко з ростам у 136 см апублікаваў фота ў футболцы “Команда…
Экран вышынёй 7 метраў з’явіўся на фасадзе гандлёва-забаўляльнага цэнтра Triniti на праспекце Янкі Купалы. Гэта…
Гродзенская вобласць страціла лідарскую пазіцыю па колькасці арганізаваных турыстаў. Цяпер сярод найбольш папулярных напрамкаў —…
Аперацыя праводзіцца на тэрыторыі Гродна і Гродзенскага раёна ў рамках камандна-штабных вучэнняў сілавікоў. На час…
Байкеры выявілі ў Пышках дрот, нацягнуты на ўзроўні шыі. Відэа яны размясцілі ў TikTok. "Вось…