Могілкі вайскоўцаў Арміі Краёваў у Суркантах. Якія зруйнавалі ў 2022 годзе.
Студэнты і выкладчыкі гістарычных спецыяльнасцей Гродзенскага дзяржаўнага універсітэта імя Янкі Купалы дапамагаюць пракуратуры збіраць інфармацыю аб генацыдзе беларускага народа, паведаміла БелТА.
Ва ўніверсітэце з 2020 года працуе студэнцкая лабараторыя «Памяць Вялікай Айчыннай вайны». Для пракуратуры Гродзенскай вобласці студэнты і выкладчыкі апрацоўваюць інфармацыю аб людзях, якія праходзяць па шэрагу спраў сведкамі, ахвярамі і абвінавачанымі.
Загадчык кафедры турызму і культурнай спадчыны факультэта гісторыі, камунікацыі і турызму ГрДУ Андрэй Гецэвіч заўважае, што на Гродзеншчыне ў гады Другой сусветнай дзейнічала Армія Краёва. Паводле яго словаў, у ГрДУ ёсць спецыялісты па гэтай тэме, таму пракуратура супрацоўнічае з універсітэтам.
«Галоўнае, што са студэнтамі працуюць спецыялісты, якія самі пагружаныя ў гэтую тэму. Доктар гістарычных навук Эдмунд Станіслававіч Ярмусік — чалавек, які дэталёва ўсе гэтыя пытанні вывучае, і пад яго кіраўніцтвам праводзіцца і пошукавая, і даследчая праца. Так, можа быць, хацелася б больш, і з часам так яно і будзе, але пачатак пакладзены», — сказаў Андрэй Гецэвіч.
У сакавіку 2022 года Эдмунд Ярмусік называў студэнтаў ГрДУ «іділаўцамі даўбанутымі», «ідыётамі бязмозглымі» і «гаўнюкамі». Гэта адбылося пасля таго, як яны зрабілі рассылку на пошты выкладчыкаў з заклікамі прадэманстраваць сваю пазіцыю датычна вайны Расіі супраць Украіны.
У Гродне запланавалі бягучы рамонт авальнай залы ў Новым замку. Работы завершаць да канца снежня.…
У Гродзенскім дзяржаўным універсітэце ім. Янкі Купалы месцы ёсць для 82,1% тых, каму яны патрэбны,…
Турыстка прыехала ў Гродна і хацела сфатаграфавацца на фоне вядомай гродзенскай фотазоны - гродзенскага ўніверсітэта,…
Гродзенскі гарадскі выканаўчы камітэт вызначыў месцы, дзе ў Гродне забаронена збіраць подпісы выбаршчыкаў за вылучэнне…
Карціну з выявай помніка Антонію Тызенгаўзу ў гродзенскім Фарным касцёле выставілі на польскі аукцыён Onebid.…
На Карла Маркса, 10 з'явілася чайхана "Халяль" - з мантамі, пловам і лавашам з тандыра.…