З McDonald’s у Беларусі знікнуць сняданкі: вінаватыя праблемы з пастаўкамі (абноўлена)

У найбліжэйшыя дні з ранішняга меню («Максняданак») знікнуць некаторыя пазіцыі. Прычына — абмежаванні ў ланцужку паставак.

Абноўлена 26.10. Праз некаторы час паведамленне аб зменах у меню знікла з сайта кампаніі. Сняданкі застануцца, але свіныя катлеты заменяць на ялавічныя, сцвярджае «Бел**т» са спасылкай на свае крыніцы. На сайце McDonald’s пазначана, што ялавічна катлеты вырабляюцца ТАА «МаррРуссия», пастаўшчык мяса — «Слонімскі мясакамбінат».

З продажу паступова прыбяруць макмафіны з яйкам і сырам, яйкам і беконам, свіной катлетай, яйкам і свіной катлетай, фрэш-макмафіны. Не будзе і вялікіх сняданкаў, амлетаў, мактостаў і бульбяных аладак.

У кампаніі адзначаюць, што змены часовыя.

Памяншэнне асартыменту будзе паступовым, па меры таго, як будуць заканчвацца канкрэтныя інгрэдыенты ў кожным з рэстаранаў.

Асноўнае меню будзе даступна з 7:00 і да 24:00, начное — з 24:00 да 7:00.

У суседняй Расіі кампанія, якая замяніла McDonald’s, абвесціла пра падаражэнне бургераў на 5−10% - з-за росту сабекошту прадуктаў. Сам Mcdonald’s сышоў з Расіі з пачаткам вайны ва Украіне.

Чытайце таксама: МакДональдс в Беларуси заменит половину пластика на переработанные бумагу и дерево

У Гродне працуюць два рэстарана гэтай міжнароднай сеткі фаст-фуда. Першы з іх адкрыўся на Гарнавых толькі ў 2020 годзе. Другі, у гандлёвым цэнтры «Triniti», — праз год. У Беларусь жа Mcdonald’s прыйшоў у 1996 годзе. Зараз сетка налічвае тут 25 рэстаранаў.

Чытайце таксама:

• Бары, кафе, рестораны: какие новые заведения появились в Гродно весной-летом 2022, а какие закрылись?
• Вместо платья H&M за 50 рублей — белорусское за 200? Смогут ли местные производители заменить одежду заграничных брендов