Рэзкіх скокаў тарыфаў на ацяпленне ў гэтым годзе не прадбачыцца, паабяцаў міністр жыллёва-камунальнай гаспадаркі Андрэй Хмель у эфіры АНТ. У чэрвені ўрад вырашыў не падымаць кошты на цеплавую энергію ўпершыню за доўгі час. Звычайна гэта робяць двойчы ў год, падзяліўся ён.
У 2023 годзе Міністэрства ЖКГ прагназуе ўздым тарыфаў на ўсе жыллёва-камунальныя паслугі двойчы: з 1 студзеня і 1 чэрвеня.
«Па існуючай практыцы рост тарыфаў залежыць толькі ад даходаў насельніцтва і не перавышае $ 5 у эквіваленце ў год, — падзяліўся чыноўнік. — Гэтага мы будзем прытрымлівацца. Ніякіх рэзкіх скокаў мы не чакаем, усё ў планавым парадку, усё пад кантролем».
Жыллёвы фонд і кацельнае абсталяванне цалкам гатовыя да запуску ацяплення, распавёў міністр ЖКГ. Рашэнне аб тым, ці ўключаць яго, прымаюць мясцовыя органы ўлады — раённыя і гарадскія выканаўчыя камітэты.
У Гродне ацяпленне ў дзіцячыя сады, бальніцы і паліклінікі пачалі даваць з 22 верасня. У паліклініках ацяпленне ўключаюць па меркаванні кіраўніка ўстановы.
Звычайна ацяпляльны сезон пачынаецца пры тэмпературы на вуліцы +10 з і ніжэй на працягу 5 дзён. У жылыя дамы ацяпленне даюць пры сярэднясутачнай тэмпературы ніжэй за +8 з больш за 5 сутак.
«Я думаю, у бліжэйшыя дні гэтыя рашэнні будуць прыняты і ў нашы дамы цяпло паступіць ужо ў поўным аб’ёме», — сказаў Андрэй Хмель.
Цяпер у Беларусі дзяржава субсідуе толькі ацяпленьне і падагрэў вады. Гэтыя паслугі субсідуюцца практычна на 80%, нагадаў міністр ЖКГ. Іншыя жыллёва-камунальныя паслугі аплачваюцца насельніцтвам у поўным аб’ёме.
Ацяпленне аплачваецца паводле поўных тарыфаў, калі ў кватэры ніхто не прапісаны, альбо калі ўласнік жылля знаходзіцца ў базе «дармаедаў» («не занятых у эканоміцы»). Таксама з сакавіка 2022 года па поўных тарыфах павінны плаціць людзі, якія выехалі за мяжу (акрамя краін ЕАЭС) больш чым на 30 дзён і члены іх сем’яў, «не занятыя ў эканоміцы». Выключэнне — выезд на лячэнне.
Чытайце таксама: Расход газа на отопление дома: почему площадь одинаковая, а потребляемых кубов в три раза больше?
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…