10 першых класаў прыйшлі 1 верасня ў школу № 37 Гродна. Іх чакаў першы ўрок і падарункі ад будучых выпускнікоў з 11 класа. Паглядзіце, як гэта было.
Лінейка перад будынкам школы пачалася з урачыстага выхаду першых класаў, вынасу дзяржаўнага сцяга і праслухоўвання гімна. Дырэктар школы Аляксандр Рымша павіншаваў школьнікаў са святам. Ён паабяцаў, што дзяцей чакаюць не толькі ўрокі, але спартыўныя і забаўляльныя мерапрыемствы.
Прысутнічалі на свяце і запрошаныя госці. Гэта былі старшы памочнік пракурора Гродна, старшы лейтэнант 202 асобнага механізаванага батальёна 6 мехбрыгады і намеснік начальніка цэнтра прапаганды абласнога ўпраўлення МНС.
На свята таксама запрасілі ветэрана працы і дачку ветэрана Вялікай Айчыннай вайны Галіну Малчанаву. Яна пажадала першакласнікам шчаслівага шляху ў краіну ведаў і выдатных адзнак для ўсіх.
«Зайздрошчу вам па-добраму. У мяне не было гэтага дзяцінства. У мяне яго адабрала вайна. Падчас акупацыі ў Гродне школ не было. У школу я пайшла, калі мне было 10 гадоў. Беражыце гэты свет і абараняйце яго».
Чытайце таксама: В гродненских школах детей будут учить создавать роботов
Пасля віншаванняў школьнікаў адзін аднаго са святам, вучні праспявалі песні і прачыталі вершы. Затым будучыя выпускнікі ўручылі падарункі першакласнікам, а настаўнікі атрымалі свае кветкі. Кірыл Саковіч з 11 «Б» і Юльяна Сцяпанава з 1 «А» далі першы званок. Скончылася лінейка паўторным праслухоўваннем гімна.
Чытайце таксама: Чем будут кормить в школах и сколько это стоит
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…