На сайце Бальніцы хуткай медыцынскай дапамогі (БХМД) у Гродне з’явілася ўкладка “Паслугі ў выхадныя і святочныя дні”. У рамках эксперыменту бальніца мусіла аказваць у гэтыя дні платныя паслугі з 1 траўня. Праўда, тады ў самой бальніцы пра гэта яшчэ нічога не ведалі.
Hrodna.life паглядзеў, якімі паслугамі можна скарыстацца ў выхадныя.
Што можна зрабіць у выхадныя?
У пераліку паслуг у выхадныя – 9 пазіцый. Цэны пазначаны ў беларускіх рублях.
- Нейрахірургія
- Сакральная блакада – 45,77
- Уралогія
- Назіральная цыстаскапія ў жанчын і мужчын – 28,33
- Траўматалогія і артапедыя
- Прымяненне плазмы, узбагачанай трамбацытамі ў пацыентаў з дэгенератыўнымі захворваннямі апорна-рухальнага апарата – 64,03
- Унутрысугломнае ўвядзенне прэпаратаў з гіалуроновой кіслатой пацыентам з дэгенератыўнымі захворваннямі апорна-рухальнага апарата – 45,57
- Параартыкулярныя блакады з гарманальнымі прэпаратамі – 45,57
- Артраскапія каленнага суглома – 703,20
- Аперацыя на пярэднім аддзеле ступні (Halus Valgus) – 1 273,58
- Хірургія
- Аперацыя пры сіндроме “запясцевага канала” – 603,61
Як атрымаць паслугу
Каб атрымаць адну з гэтых паслуг, трэба звярнуцца ў аддзяленне платных медыцынскіх паслуг, дзе вам раскажуць усё неабходнае.
“Пасля аказання платных медыцынскіх паслуг у выхадныя дні, далейшая медыцынская дапамога ў працоўныя дні аказваецца бясплатна ў поўным аб’ёме, з магчымасцю прадастаўлення сэрвісных паслуг”, – пазначана на сайце БСМП.
На нашы званкі ў аддзеле платных медыцынскіх паслуг не адказалі.
