Мікалай Мардовіч. Скрыншот Hrodna.life
Пра затрыманне супрацоўніка «Гроднажылбуд» стала вядома 25 жніўня. У чым яго абвінавачваюць, пакуль не паведамляецца. У мужчыны ёсць сям’я — жонка і дзеці. Відэа з затрыманнем апублікаваў Telegram-канал, блізкі да сілавікоў.
У 2020-м годзе мужчына браў удзел у акцыях пратэсту. «Паддаўшыся іх уплыву, захоўваў сабе на старонку пратэстную інфармацыю і распаўсюджваў яе», — сказаў мужчына на камеру. Таксама ён прызнаўся, што яго зарплата — 1400 рублёў.
У відэа апублікавалі скрыншоты са старонкі «ВКонтакте» мужчыны. Мяркуючы па іх, мужчыну клічуць Мікалай Мардовіч, яму 36 гадоў. У яго ёсць жонка і адзін або двое дзяцей. Вядома, што яго брат падчас пратэстаў адбыў адміністрацыйны арышт — пра гэта мужчына пісаў у сацсетцы. На старонцы мужчына выступае супраць вайны ва Украіне. Там жа ў яго — фатаграфіі з страйку «Гроднажылбуд» і падтрымка пратэсту.
Мяркуючы па відэа, мужчыну затрымалі прама на аб’екце, дзе ён працаваў. У канцы відэа ён дадаў, што яго затрымалі і даставілі ў РАУС «выдатна» і выказаў падзяку сілавікам.
У чым менавіта гродзенца вінавацяць, пакуль невядома. «Дастаўшы сваіх калегаў змагар адправіўся страйкаваць у ІЧУ, дзе створаць свой гурток па інтарэсам страйкоўцаў», — паведамілі ў подпісы да відэа.
У жніўні 2020 года «Гроднажылбуд» стаў адным з цэнтраў пратэсту супраць вынікаў выбараў прэзідэнта і гвалту сілавікоў на вуліцах Гродна: рабочыя сустрэліся з кіраўніцтвам горада, пракурорам, але да згоды з уладамі так і не прыйшлі. Пасля гэтага тых, хто актыўна выказваўся, на прадпрыемстве паступова альбо звольнілі, альбо стварылі такія ўмовы, што дзясяткі рабочых сышлі самі.
13 жніўня 2020 года ля галоўнага будынка «Гроднажылбуд» прайшла сустрэча работнікаў з прафсаюзам і кіраўніцтвам. Супрацоўнікі прасілі вызваліць затрыманых 9−11 жніўня, правесці новыя выбары і спыніць гвалт. Пасля сустрэчы супрацоўнікі прадпрыемства не сталі пачынаць працу — хацелі паказаць сур’ёзнасць намераў. Многія будоўлі на вул. Курчатава, у Грандзічах, на вул.Лідскай, у Альшанцы «ўсталі» на два дні.
14 жніўня кіраўнікі падраздзяленняў «Гроднажылбуда» сталі ездзіць па аб’ектах і ўгаворваць людзей працаваць.
17 жніўня прайшла яшчэ адна сустрэча рабочых з кіраўніцтвам кампаніі і горада. Работнікі атрымалі адказ толькі на адно патрабаванне: усіх затрыманых 9−11 жніўня адпусцілі, акрамя тых, каму пагражаў крымінальны артыкул. Іншыя патрабаванні працоўных адказу не атрымалі. Кіраўнікі пакінулі сустрэчу, калі работнікі сталі абурацца.
18 жніўня работнікі вырашылі ўзаконіць страйк, каб іх «менш каралі».
20 жніўня работнікі адвезлі апавяшчэнне аб пачатку страйку з 21 жніўня ў гарвыканкам. 21 жніўня кіраўнікі сталі выязджаць на аб’екты з пагрозамі звальнення.
24 жніўня асноўная маса супрацоўнікаў пачала працаваць «як раней».
Чытайце таксама:
Гродзенка Вікторыя Талкоўская апублікавала TikTok, у якім папрасіла гараджан назваць самыя змрочныя месцы Гродна. За…
Плануецца, што ў кожным раёне з’явіцца па дзве новыя пляцоўкі для выгулу хатніх жывёл. Адпаведны…
Гродзенскі абласны суд прызнаў Ежы Грыгенчу вінаватым паводле чатырох крымінальных артыкулаў. Яму прызначылі шэсць гадоў…
Блогер з Гродна Аляксей Саўко з ростам у 136 см апублікаваў фота ў футболцы “Команда…
Экран вышынёй 7 метраў з’явіўся на фасадзе гандлёва-забаўляльнага цэнтра Triniti на праспекце Янкі Купалы. Гэта…
Гродзенская вобласць страціла лідарскую пазіцыю па колькасці арганізаваных турыстаў. Цяпер сярод найбольш папулярных напрамкаў —…