У папулярным сярод гродзенцаў дворыку на Маставой, 31, дзе знаходзяцца многія бары і кавярні, забаранілі спажываць алкаголь пасля 23.00. Такое рашэнне прыняла адміністрацыя будынка. За гэтым сочаць ахоўнікі, якія могуць выклікаць міліцыю. Пра гэта карэспандэнту Hrodna.life сказаў адзін з ахоўнікаў.
На вуліцы Маставой, 31 размяшчаюцца некаторыя гродзенскія рэстарацыі, кавярні і бары. Сярод іх SPRAVA, Svaboda, PODVAL, «Урбанист», «Проходная», «МЯТА Lounge», «Пятница», Werden, «Гранат». Рыхтуецца да адкрыцця «Молодость». Цяпер пасля 23:00 установы закрываюць свае летнія пляцоўкі: спажываць алкаголь можна толькі ў памяшканнях бара.
Hrodna.life вядома, што ў 2021 годзе жыхары бліжэйшых дамоў змагаліся з высокім узроўнем шуму. Яны скардзіліся ў Гродзенскі гарвыканкам, а таксама выклікалі санстанцыю для замераў узроўню шуму. Але тады спыніць начныя імпрэзы не ўдалося.
У 2021 годзе ў Асацыяцыю рэстаратараў паступіў праект пастановы Савета міністраў. Паводле праекта, установы, размешчаныя ў жылых дамах або інтэрнатах, якія прадаюць алкаголь, змогуць працаваць толькі да 23:00. Але пакуль гэты закон так і не прынялі.
Чытайце таксама:
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…