Ніжняя царква на тэрыторыі Старога замка ў Гродне. Фота: AleBurd, commons.wikimedia.org
Частка даху ахоўнага збудавання Ніжняй царквы на тэрыторыі Старога замка ў Гродна падгніла. Таму неабходны бягучы рамонт падстрэшка, пад якім схаваныя руіны царквы. Так заключыла камісія пад старшынствам намесніка дырэктара па адміністрацыйна-гаспадарчай частцы Гродзенскага дзяржаўнага гісторыка-археалагічны музея Багдана Блажэеўскага.
У планах — выпраўка драўляных бэлек, умацаванне расшыўкай дошкамі з двух бакоў, пастаноўка мацаванняў. Працы правядуць у верасні.
Падбор фірмы для гэтага завяршыўся. Гродзенскі дзяржаўны гісторыка-археалагічны музей правёў закупку з адной крыніцы. Каштуе рамонт 3450 рублёў.
Ніжняя Царква ў Гродне — гэта закансерваваныя руіны помніка 12 стагоддзя. Знаходзяцца на тэрыторыі Старога замка ў Гродне. Ніжняй яна называецца таму, што на яе руінах пазней пабудавалі яшчэ адну, Верхнюю царкву. Выявілі царква ў 1932 годзе падчас раскопак. Адкрыццё стала сенсацыяй і яго нават назвалі ў прэсе «гродзенскай Трояй».
Чытайце таксама: С — Стары Замак. 5 фактаў пра замак, які не раз змяняў свой выгляд
Лічыцца, што царква была разбурана ў 1183 годзе. Паводле адной з версій, у царкву трапіла маланка. Па другой версіі, інжынеры памыліліся ў разліках, у выніку чаго царква развалілася. Абедзве версіі тлумачаць дзіўную форму рэшткаў царквы — як быццам яна руйнавалася зверху ўніз.
Па канструкцыі і строі Ніжняя царква нагадвала Каложскую, бо яе пабудавалі ў тым жа стагоддзі ў стылі той жа архітэктурна-мастацкай школы.
Чытайце таксама: Гродзенскiя святары ўпершыню чыталі акафіст Францішка Скарыны на руінах Ніжняй царквы
Плануецца, што ў кожным раёне з’явіцца па дзве новыя пляцоўкі для выгулу хатніх жывёл. Адпаведны…
Гродзенскі абласны суд прызнаў Ежы Грыгенчу вінаватым паводле чатырох крымінальных артыкулаў. Яму прызначылі шэсць гадоў…
Блогер з Гродна Аляксей Саўко з ростам у 136 см апублікаваў фота ў футболцы “Команда…
Экран вышынёй 7 метраў з’явіўся на фасадзе гандлёва-забаўляльнага цэнтра Triniti на праспекце Янкі Купалы. Гэта…
Гродзенская вобласць страціла лідарскую пазіцыю па колькасці арганізаваных турыстаў. Цяпер сярод найбольш папулярных напрамкаў —…
Аперацыя праводзіцца на тэрыторыі Гродна і Гродзенскага раёна ў рамках камандна-штабных вучэнняў сілавікоў. На час…