Гродзенцы часта скардзяцца на гарадскі транспарт. Маўляў, аўтобусы і тралейбусы даводзіцца чакаць амаль гадзінамі, а кіроўцы маршрутак не клапоцяцца аб бяспецы пасажыраў, калі ўвогуле спыняюцца, каб гэтых пасажыраў забраць. Як адрозніваецца сітуацыя ў іншых беларускіх гарадах? Якім павінен быць зручны гарадскі транспарт? Ці патрэбен Гродна трамвай? Пра гэта ў новым выпуску падкаста «Утульны горад» яго аўтарка паразмаўляла з антраполагам і ўрбаністам Андрэем Ваз’янавым.
Слухайце размову цалкам, або тэзісна і ў вялікім скароце чытайце ніжэй.
Сітуацыя ў Гродне мала адрозніваецца ад сітуацыі ў іншых беларускіх гарадах. Перапоўненыя аўтобусы і тралейбусы, якія ходзяць адзін-два разы на гадзіну — тыповая сітуацыя для Беларусі. Выключэннем з’яўляецца толькі сталіца.
Уласна маршруты ў Гродне распрацаваны даволі добра. Тралейбусная і аўтобусная сеткі ахопліваюць амаль увесь горад з улікам нават аддаленых раёнаў. Іншая справа, што транспарту відавочна бракуе. Рашэнне ў такой сітуацыі дастаткова простае: трэба павялічыць колькасць аўтобусаў і тралейбусаў, да таго павялічыўшы іх памер.
Кароткі адказ — ніяк. Спецыфіка гарадскога транспарту ў тым, што зрабіць яго прыбытковым ці нават самаакупляльным ніколі не атрымаецца. Гэта і не патрэбна: годны грамадскі транспарт дапамагае сэканоміць у іншых сферах бюджэту.
Зручны транспарт матывуе людзей часцей выходзіць з дому, бываць у розных установах, спажываць там тавары і паслугі. Калі ў людзей ёсць у доступе тралейбус, шмат з іх адмаўляецца ад уласнага аўтамабіля. Як вынік — меншая загазаванасць у горадзе, што вядзе да паляпшэння экалагічнай сітуацыі, і ў будучыні - меншай нагрузкі на медычную сістэму.
Чытай таксама: У Гродне мяняюць расклад транспарту. Што яшчэ варта змяніць, каб ім было зручней карыстацца
У вялікіх гарадах паездка ў тралейбусе можа займаць гадзіны. Зразумела, пасажыры імкнуцца правесці гэты час камфортна. Таму важна магчымасць утульна сядзець, чытаць кнігі і слухаць музыку. Гукавое асяроддзе не павінна перабівацца ані граючым радыё, ані гучнай рэкламай. Да таго ж сталы вонкавы шум вядзе да таго, што людзі перастаюць звяртаць на яго ўвагу, і могуць прапусціць сапраўды істотную абвестку.
Перш чым будаваць у горадзе новую інфраструктуру, трэба прааналізаваць тую транспартную спадчыну, якая ўжо ёсць. Будаваць з нуля трамвайныя рэйкі або, тым больш, метро — гэта заўсёды вялікі стрэс і для гараджан, і для гарадскога бюджэта. Да таго ж, такая будоўля можна зацягнуцца на доўгія гады. Таму мэтазгодна будзе адпачатку паляпшаць той транспарт, які ў Гродне ўжо ёсць.
Добра разгалінаваная сетка тралейбусаў патрабуе толькі павелічэння колькасці транспарту на маршрутах. Таксама, тралейбусы і аўтобусы варта рабіць большых памераў, каб умяшчаць болей людзей. Добрым рашэннем можа быць стварэнне адмысловых выдзеленых палос для грамадскага транспарту.
Слухайце таксама:
На таргі выставілі ўчастак каля кальцавой развязкі праспекта Касманаўтаў і вуліцы Карскага. Згодна з прызначэннем…
Сэрвіс карт ад Google абнавіў спадарожнікавыя фатаграфіі Гродна. На іх можна ўбачыць найбуйнейшыя будоўлі горада,…
Гродзенка Вікторыя Талкоўская апублікавала TikTok, у якім папрасіла гараджан назваць самыя змрочныя месцы Гродна. За…
Праз дарогу ад гандлёва-забаўляльнага цэнтра Triniti на праспекце Янкі Купалы прадаюць трохпакаёўку ў новым доме.…
Плануецца, што ў кожным раёне з’явіцца па дзве новыя пляцоўкі для выгулу хатніх жывёл. Адпаведны…
Гродзенскі абласны суд прызнаў Ежы Грыгенчу вінаватым паводле чатырох крымінальных артыкулаў. Яму прызначылі шэсць гадоў…