Большой буфет. Фото: Hrodna.life
Рэстаран-бістро «Большой Буфет», які размяшчаецца ў гандлёвым доме «Нёман», прадаюць. Рэстаран займае амаль увесь чацвёрты паверх новага корпуса гандлёвага дома і мае панарамныя вокны з аднаго боку. Разам з бістро ўласнікі хочуць прадаць яшчэ два свае кафэ. Цана за ўвесь комплекс — $ 120 тыс.
Плошча бістро — 780 кв.м. Зала разлічана на 200 пасадачных месцаў, але ў аб’яве пазначана, што ёсць магчымасць павялічыць пасадку. Акрамя ўласна залы для наведнікаў у плошчу ўваходзяць абедзеная зона самаабслугоўвання, дзіцячая зона для гульняў і кухня. Кухня абсталявана ўсім неабходным. Ёсць стацыянарная халадзільная і маразільная камеры, а таксама грузавы ліфт.
У аб’яве паведамілі, што ў рэстарацыі «адэкватная» арэндная стаўка і доўгатэрміновыя дамовы.
На даху гандлёвага дома, над «Большим Буфетом», знаходзіцца аглядная пляцоўка, а на ёй — летняе кафэ «Крыша мира» на 100 месцаў. Унізе, побач з уваходам у ГД «Нёман», ёсць яшчэ адно летняе кафэ — «Клевер». Абодва належаць тым жа ўласнікам і прадаюцца разам з «Буфетом».
Адна з атракцый для наведнікаў «Буфета» і «Крыши мира» — магчымасць падняцца туды на панарамным шкляным ліфце.
«Большой буфет» працуе ў Гродне са снежня 2015 года. «Крыша мира» — са жніўня 2018-га. Прычына продажу ў аб’яве не пазначана.
Чытайце таксама: Летнія тэрасы 2022: якія рэстараны і кафэ Гродна выставілі вулічныя пляцоўкі
У Гродне запланавалі бягучы рамонт авальнай залы ў Новым замку. Работы завершаць да канца снежня.…
У Гродзенскім дзяржаўным універсітэце ім. Янкі Купалы месцы ёсць для 82,1% тых, каму яны патрэбны,…
Турыстка прыехала ў Гродна і хацела сфатаграфавацца на фоне вядомай гродзенскай фотазоны - гродзенскага ўніверсітэта,…
Гродзенскі гарадскі выканаўчы камітэт вызначыў месцы, дзе ў Гродне забаронена збіраць подпісы выбаршчыкаў за вылучэнне…
Карціну з выявай помніка Антонію Тызенгаўзу ў гродзенскім Фарным касцёле выставілі на польскі аукцыён Onebid.…
На Карла Маркса, 10 з'явілася чайхана "Халяль" - з мантамі, пловам і лавашам з тандыра.…