Працоўны працэс на "Мастоўдрэў". Фота: "Гродзенская праўда"
Да ўвядзення санкцый 97% прадукцыі прадпрыемства «Мастоўдрэў» сыходзіла на Захад — у тым ліку праз уласны гандлёвы дом у Варшаве. З увядзеннем забароны на экспарт прадпрыемству прыйшлося тэрмінова перабудоўваць лагістычныя ланцужкі і пераглядаць структуру выпускаемай прадукцыі. Аб гэтым на заводзе расказалі «Гродзенскай праўдзе».
На прадпрыемстве фармуюць планы згодна з гадавым бізнес-праектам. Стаіць задача пераарыентаваць тое, што не возьме Еўропа, на іншыя рынкі і на гэтым зарабіць, распавёў «Гродзенскай праўдзе» намеснік генеральнага дырэктара па вытворчасці ААТ «Мастоўдрэў» Анатоль Махнач. Таму штомесяц пераглядаюць структуру выпускаемай прадукцыі і павялічваюць тыя віды, якія магчыма рэалізаваць. «Будзем шчырыя, зрабіць гэта няпроста», — заключае ён.
У сакавіку Еўрасаюз увёў чарговы пакет санкцый супраць Беларусі. На гэты раз пад забаронай экспарту ў Еўропу апынулася прадукцыя дрэваапрацоўкі пад кодам 44. У гэтую групу тавараў уваходзяць, напрыклад, піламатэрыялы, брыкеты, паліўныя гранулы, фанера і розныя драўняныя пліты. Многія з пералічаных тавараў выпускае ААТ «Мастоўдрэў».
«Мастоўдрэў» — горадаўтваральнае прадпрыемства, ва ўдзельнай вазе прамысловай прадукцыі раёна займае 76%. У Мастах пражываюць 15 тысяч жыхароў. На прадпрыемстве працуюць 1600 чалавек. З 2009 года 12 гадоў праводзілася мадэрнізацыя прадпрыемства: абнавілі фанерны цэх, рэканструявалі цэх па вытворчасці пліт ДДФ (дробнадысперсійнай фракцыі - Hrodna.life), запусцілі лесапільна-дрэваапрацоўчы цэх.
Да санкцый большая частка прадукцыі ішла ў ЕС, пастаўкі былі і ў Украіну. У Варшаве працягвае працаваць гандлёвы дом, які без пасярэднікаў рэалізуе запасы і пачынае асвойваць іншыя віды паслуг.
Прадпрыемства пачало выходзіць на новыя рынкі. 62 кантэйнеры чакаюць адгрузкі ў Кітай. Завод вядзе перамовы з шэрагам грузінскіх, азербайджанскіх, узбекскіх і казахстанскіх кампаній. Разглядаюць перспектывы нарошчвання аб’ёмаў пастаўкі ў краіны СНД — у большай частцы гэта датычыцца Расіі.
Цэны на прадукцыю дрэваапрацоўкі там не настолькі высокія, як у ЕС. Таму адначасова прапрацоўваюцца магчымасці значнага павелічэння выпуску тавараў, якія не трапілі пад забарону да ўвозу ў Еўропу.
Намеснік дырэктара сцвярджае, што еўрапейскі бізнес засмучаны сітуацыяй, якая склалася праз санкцыі. «Тое, што еўрапейскі бізнес не вітае уведзеныя санкцыі, — гэта дакладна. Я ўпэўнены, што ўсё вернецца на свае месцы. Трэба набрацца цярпення. Еўрапейская палітыка адарвалася ад рэальнага жыцця. Палітыка, бізнес, людзі апынуліся на розных прыступках. Гэта ні да чаго добрага не прыводзіць, як мы ўжо можам бачыць».
Мужчына распавёў, што «як вытворца і як чалавек не разумее, чаму нейкія палітычныя патрабаванні заходнія палітыкі пераводзяць у эканамічныя санкцыі, якія ў першую чаргу не найлепшым чынам адбіваюцца на дабрабыце звычайных грамадзян».
Чытайце таксама: Тавары дастаўляюцца даўжэй, партнёры адмаўляюцца ад супрацоўніцтва. Як «Гродна Азот» працуе пад санкцыямі
Нацягнуты паміж дрэвамі дрот, які знайшлі ў Пышках гродзенскія матацыклісты, апынуўся не адзінай небяспечнай пасткай…
На вуліцы Савецкай у Гродне на месцы "Дзіцячага свету" адкрылі бар "На Луне". Мяркуючы па…
"Гродна. Турыстычная карта для гасцей горада" выйдзе накладам 6000 штук. Усе асобнікі будуць толькі на…
На таргі выставілі ўчастак каля кальцавой развязкі праспекта Касманаўтаў і вуліцы Карскага. Згодна з прызначэннем…
Сэрвіс карт ад Google абнавіў спадарожнікавыя фатаграфіі Гродна. На іх можна ўбачыць найбуйнейшыя будоўлі горада,…
Гродзенка Вікторыя Талкоўская апублікавала TikTok, у якім папрасіла гараджан назваць самыя змрочныя месцы Гродна. За…