Экскурсія ў гатэль Сямашкі і на «Молочный мир». Дзе ў Гродне і вобласці ладзяць бясплатныя экскурсіі

Акцыя «Вандруй. Адчуй. Натхняйся» праходзіць у Беларусі з 6 па 12 чэрвеня. У ёй прымаюць удзел турыстычныя аб’екты і Гродзенскай вобласці. Падчас акцыі можна патрапіць на экскурсіі не толькі ў музеях, але і гатэлях ды прадпрыемствах.

Куды ў Гродне пайсці на экскурсію

З 6 па 12 чэрвеня можна наведаць экскурсіі па гатэлях Станіслава Сямашкі на вуліцы Антонава і плошчы Савецкай. Іх праводзяць з 12:00 па 15:00 штодзённа.

З 7 па 9 чэрвеня з 14:00 да 17:00 можна наведаць «Молочный мир» (Гаспадарчая, 28). Там прапануюць пазнаёміцца з этапамі вытворчасці сыра.

«Гранітэкс» прапануе 9 чэрвеня наведаць музейны пакой. Там можна даведацца пра гісторыю ніці і працэса прадзення, а таксама пазнаёміцца з гісторыяй прадпрыемства.

Экскурсію па экалагічнай сцежцы «Азёры», можна наведаць 9 і 10 чэрвеня. Там прапануюць паглядзець месцы пражывання еўрапейскага зубра. Акрамя гэтага там прадастаўляюць бясплатныя месцы для адпачынку «Дружба», «Поплавок», «Мыс-2», «Мыс-1.1». Больш падрабязную інфармацыю можна даведацца па тэлефоне +375(152)931601.

У мястэчку Парэчча на вуліцы Друскенінкайская, 7А, 7 чэрвеня з 13:00 па 16:00 можна наведаць эскурсію па прадпрыемстве Мядовы Шлях". Там прапануюць прадэгуставаць і набыць мёд, а таксама сувеніры.

Чытайце таксама: Вольга Гаўрылік: «Я — пчолка, што шукае нектар, але ўмее джаліць»

У Лідзе 8 чэрвеня можна бясплатна наведаць экспазіцыю і выставы ў Лідскім замку.

Усіх удзельнікаў акцыі ў Гродне і Гродзенскай вобласці можна паглядзець у поўным спісе установаў.

Хто прымае ўдзел у акцыі

Рэспубліканская акцыя «Вандруй. Адчуй. Натхняйся» накіравана на папулярызацыю ўнутранага турызма Беларусі.

У ёй прымаюць удзел:

• аграэкасядзібы,
• установы культуры,
• адукацыі,
• аб’екты харчавання і пражывання,
• санаторна-курортныя ўстановы,
• турыстычныя комплексы,
• экалагічныя паркі,
• заказнікі,
• мастацкія і карцінныя галерэі,
• вытворчыя прадпрыемствы,
• спартовыя ўстановы,
• фізічныя асобы.

Чытайце таксама: Иконы, конфеты, санатории и казачий хор. На фестивале в Гродно презентовали туристический потенциал Беларуси