Адміністрацыйны будынак "Гродна Азот". Фота: Hrodna.life
Мадэрнізацыя ААТ «Гродна Азот» будзе каштаваць $ 800 млн. На прадпрыемстве плануюць закупіць 95% расійскага абсталяванная. Пра гэта стала 27 траўня вядома падчас візіту пасла Расіі Барыса Грызлова на «Гродна Азот». Пра гэта паведаміла расійскае інфармацыйнае агенцтва Sputnik.
Мадэрнізацыю плануюць правесці да 2026 года. Яе будуць рабіць з маскоўскай групай кампаній Дзяржаўнага інстытута азотнай прамысловасці.
«Прадпрыемства вырабляе найважнейшую прадукцыю, асабліва сёння, таму што гэтая прадукцыя гарантуе харчовую бяспеку. На прадпрыемстве вырабляюцца ўгнаенні, якія неабходна ўносіць для атрымання высокіх ураджаяў», — сказаў Барыс Грызлоў.
«Гродна Азот» штогод закупае ў Расіі сыравіну на $ 50 млн. У 2021 годзе на расійскім рынку рэалізавалі прадукцыю, у тым ліку з «Гродна Азот», на $ 8 млн. Сярод прадукцыі - кордная тканіна, якую купляе Ніжнекамскі шынны камбінат.
Прадукцыя, якую выпускае «Гродна Азот», запатрабавана як на расійскім рынку, так і ў дальнім замежжы, лічыць генеральны дырэктар «Гродна Азот» Ігар Ляшэнка.
Кіраўніцтва «Гродна Азот» у 2022 годзе плануе пачаць пабудову новага цэху. Там хочуць вырабляць раствор карбаміду. Які патрэбен для далейшай прадукцыі вадкага азотнага ўгнаення.
У новым цэху хочуць прадукаваць да 1000 тон раствору ў суткі. Разглядаюцца два варыянты пабудовы: па тэхналогіі нідэрландскай фірмы Stamicarbon B.V. або па тэхналогіі расійскага ААТ «НИИК» (Навукова-даследчы і праектны інстытут карбаміда).
Праз санкцыі, якія ў 2021 годзе ўвялі супраць беларускіх прадпрыемстваў і іх кіраўнікоў, таксама праз ўзмацненне санкцый у сакавіку 2022 года, ААТ «Гродна Азот» цалкам працуе для пастаўкі ўгнаенняў на ўнутранны рынак.
У жніўні 2021 года адбылася рэгістрацыя беларускіх азотных і комплексных угнаенняў для продажу на расійскім рынку. Прычым гэта сертыфікацыя пройдзена ў паскораным рэжыме: літаральна за некалькі месяцаў замест некалькіх гадоў.
Пачаць пастаўкі ў Расію плануюць у чэрвені 2022 года.
У Гродне ацэняць папуляцыю чаек на 14 жылых дамах. На падставе атрыманых дадзеных скажуць, ці…
У Гродне запланавалі бягучы рамонт авальнай залы ў Новым замку. Работы завершаць да канца снежня.…
У Гродзенскім дзяржаўным універсітэце ім. Янкі Купалы месцы ёсць для 82,1% тых, каму яны патрэбны,…
Турыстка прыехала ў Гродна і хацела сфатаграфавацца на фоне вядомай гродзенскай фотазоны - гродзенскага ўніверсітэта,…
Гродзенскі гарадскі выканаўчы камітэт вызначыў месцы, дзе ў Гродне забаронена збіраць подпісы выбаршчыкаў за вылучэнне…
Карціну з выявай помніка Антонію Тызенгаўзу ў гродзенскім Фарным касцёле выставілі на польскі аукцыён Onebid.…