Міліцыя правяла прафілактычную гутарку з настаяцелем храма Спірыдона Трыміфунцкага ў Гродне Андрэем Ноздрыным. Гэта стала вядома з адказу за подпісам начальніка УУС Адміністрацыі Кастрычніцкага раёна Гродна Андрэя Форыся. Яго апублікавала актывістка Вольга Бондарава, заўважыў Telegram-канал «Право имеют».
«Памятаеце бчб-папа Ноздрына, суграмадзяне, які спачатку тапіў за дзяржаўны пераварот, затым публікаваў нацысцкі гімн шлюхі Арсеньневай „Магутны божа“ ў выкананні гродзенскіх махляроў у расах, рэпосціў экстрэмісцкую памыйніцу ТУТбай, а затым апусціўся да падтрымкі тэрарыстычнага рэжыму Украрэйха?», — напісала Вольга.
Па заяве Вольгі Бондаравай правялі праверку. Парушэнняў з боку Ноздрына не выявілі. Але прафілактычную гутарку аб выкананні заканадаўства і недапушчэнні здзяйснення экстрэмісцкіх правапарушэнняў і злачынстваў правялі.
Андрэй Ноздрын — клірык Гродзенскай епархіі БПЦ, настаяцель храма Спірыдона Трыміфунцкага ў Гродне. У жніўні 2020 года заклікаў не распальваць варожасць паміж народам і арміяй. Мяркуючы па акаўнта ў Facebook, падтрымліваў Віктара Бабарыка. Выступаў супраць вайны ва Украіне.
Чытайце таксама:
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…