Сістэму па разумнай перапрацоўцы адходаў ўсталююць на Гродзенскім смеццеперапрацоўчым заводзе. Змяшаныя адходы будуць падзяляць аўтаматычна з дапамогай спецыяльнага аптычнага сепаратара на аснове нейросетей. Сістэму плануюць запусціць ужо ў траўні, піша «БелТА».
Абсталяванне распрацавалі ў Расіі ва Уральскім федэральным універсітэце сумесна з кампаніяй «Аксаліт». Яно можа аўтаматычна распазнаваць і аддзяляць пластык, дрэва, паперу, жалеза і іншыя матэрыялы. Пры руху адходаў па канвееры камера з дапамогай навучанай нейронавай сеткі ўлоўлівае інфрачырвоныя хвалі, якія адбіваюцца ад прадмета. Такім чынам вызначаюцца віды і падвіды матэрыялаў. Пасля «апазнання» канкрэтнае смецце выштурхваецца з агульнага патоку сціслым паветрам.
Чытайце таксама:
У Гродне аптычны сепаратар будзе аддзяляць хлоразмяшчальныя матэрыялы — ПВХ-пластык. Астатнія адкіды накіруюць на вытворчасць RDF-паліва для мясцовага бетоннага завода, піша «Спутник». Прадукцыйнасць такога сепаратара — 9 тонаў на гадзіну, дакладнасць распазнання матэрыялу — 90%.
Кошт сепаратара з Расіі на 40% ніжэйшы за замежныя аналагі, заявіў кіраўнік праектнага офіса кампаніі «Аксаліт» Міхаіл Рабкоў. Аптычны вузел, які распазнае матэрыял на канвееры і перадае яго каардынаты для адбору з агульнага патоку — замежнай вытворчасці. Ужо восенню 2022 года гіперспектральную камеру заменяць расійскім аналагам.
Зараз на заводзе ідуць пуска-наладачныя працы.
Чытайце таксама:
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…