fotobel.by
«Падпісаў, бо было важна акрэсліць сваю пазіцыю», — распавёў Hrodna.life адзін з беларускіх святароў, якія падпісалі калектыўны зварот святароў Рускай праваслаўнай царквы супраць вайны ва Украіне. Пасля гэтага яго выклікалі на «небяспечную размову».
На момант публікацыі гэтага матэрыялу зварот падпісалі амаль 300 святароў. Падпісантаў з Беларусі — каля 20 чалавек, распавёў Hrodna.life адзін з іх. У спісе рэдакцыя ўбачыла не менш за пяць святароў з Гродна і Гродзенскага раёна.
«Чаму не шмат — ёсць рызыка ціску. У Расіі шэраг святароў пацярпелі за подпіс. Іншых зваротаў святарскіх не было», — падзяліўся святар. У мэтах бяспекі ён папрасіў не называць яго. «Мяне выклікалі за гэты подпіс. І размова быў небяспечнай», — патлумачыў ён.
«Страшны суд чакае кожнага чалавека. Ніякая зямная ўлада, ніякія лекары, ніякая ахова не засцеражэ ад гэтага судe. Клапоцячыся пра выратаванне кожнага чалавека, які лічыць сябе дзіцем Рускай Праваслаўнай Царквы, мы не жадаем, каб ён з’явіўся на гэты суд, несучы на сабе цяжкі груз матчыных праклёнаў. Мы нагадваем, што кроў Хрыстова, пралітая Збаўцам за жыццё свету, будзе прынятая ў таемстве Прычашчэння тымі людзьмі, хто аддае забойныя загады, не ў жыццё, а ў муку вечную», — сказана ў звароце. Агульны заклік да прымірэння і спынення агню ва Украіне ад святароў Рускай Праваслаўнай Царквы апублікавалі 1 сакавіка.
Аўтары нагадалі, што жыццё кожнага з’яўляецца неацэнным Божым дарам, і пажадалі вяртання дадому цэлымі ўсіх воінаў - і расійскіх, і ўкраінскіх.
«Мы з горыччу думаем пра тую прорву, якую прыйдзецца пераадольваць нашым дзецям і ўнукам у Расіі і ва Украіне, каб зноў пачаць сябраваць адзін з адным, паважаць і любіць адзін аднаго. Мы паважаем дадзеную Богам свабоду чалавека, і лічым, што народ Украіны павінен рабіць свой выбар самастойна, не пад прыцэлам аўтаматаў, без ціску з Захаду ці Усходу», — падкрэсліваюць аўтары.
«Ніякі негвалтоўны заклік да міру і спынення вайны не павінен гвалтоўна спыняцца і разглядацца як парушэнне закона, бо такі Боскі запавет: „Дабрашчасныя міратворцы“», — лічаць аўтары.
Мітрапаліт Мінскі і Заслаўскі Веніямін, кіраўнік Беларускага экзархата, які падпарадкоўваецца Рускай праваслаўнай царкве, 3 сакавіка заклікаў зрабіць крокі насустрач адзін аднаму. Ён нагадаў, што стаяць адзін супраць аднаго на баявых пазіцыях — «часта людзі родныя па крыві, па веры і па духу». «З абодвух бакоў гінуць вайскоўцы, пакутуюць мірныя грамадзяне», — адзначыў ён тады і падкрэсліў сваяцтва беларусаў, украінцаў і рускіх.
«Як у звычайнай сям'і бываюць часы выпрабаванняў, так і ва ўзаемаадносінах брацкіх народаў узнікаюць супярэчнасці, канфлікты, вырашыць якія часам вельмі няпроста. А вораг роду чалавечага асабліва радуецца, калі брат ідзе на брата», — сказаў мітрапаліт.
24 лютага, у першы дзень вайны ва Украіне, патрыярх Кірыл, кіраўнік Рускай праваслаўнай царквы, апублікаваў зварот. У ім ён заклікаў усе бакі канфлікту «зрабіць усё магчымае, каб пазбегнуць ахвяр сярод мірных жыхароў».
«Не дай Бог, каб цяперашняя палітычная сітуацыя ў блізкай нам брацкай Украіне была накіраваная на тое, каб злыя сілы, якія заўсёды змагаліся з адзінствам Русі і Рускай Царквы, атрымалі верх», — сказаў ён 27 лютага. Тады ж патрыярх Кірыл папрасіў маліцца аб міры і аб Ануфрыі, які ачольвае Украінскую праваслаўную царкву Маскоўскага патрыярхату.
Падчас пропаведзі 6 сакавіка, на Даравальную нядзелю кіраўнік РПЦ сказаў, што «восем гадоў ідуць спробы знішчыць тое, што існуе на Данбасе» — а менавіта непрыманне каштоўнасцяў «якія сёння прапануюцца тымі, хто прэтэндуе на сусветную ўладу». Тэстам на лаяльнасць гэтай уладзе ён назваў гей-парад.
Чытайце таксама: Понятие о браке, патриотическое воспитание. Что предлагает поменять в Конституции Белорусская православная церковь
13 сакавіка патрыярх Кірыл перадаў кіраўніку Нацгвардыі Аўгустоўскі абраз Божай Маці, каб ён «натхняў маладых воінаў Расгвардыі, якія прымаюць прысягу, якія ўступаюць на шлях абароны Айчыны». Расгвардыя бярэ ўдзел у вайне ва Украіне.
21 красавіка стала вядома, што Расія адмовілася падтрымаць ва Украіне чатырохдзённую «велікодную гуманітарную паўзу» (перамір'е) перад праваслаўным Вялікаднем.
Чытайце таксама:
У Беластоку прапанавалі змяніць герб. Цяперашні, з польскім Арлом і літоўскай Пагоняй, лічыцца несумяшчальным з…
“Вы не просили, но я покажу: что сушит моя соседка на фоне драмтеатра в Гродно”,…
Жыхары новабудоўлі на вуліцы Савецкіх Пагранічнікаў, 57 абурыліся, даведаўшыся, што за парковачныя месцы каля дома…
Ва ўстановах адукацыі Гродзеншчыны збіралі звесткі пра сваякоў за мяжой. Па непацверджанай інфармацыі Telegram-канала “Суды,…
У Гродне з'явіўся новы спосаб ачысткі фантанаў. Раней супрацоўнікі прадпрыемства "Гарсвятло" злівалі ваду і ўручную…
Рэканструкцыю воінскага пахавання на Фолюшы на месцы лагера “Шталаг 324” запланавалі ў Гродне. Для пачатку…