Андрэй Сцепаненка. Фота: сацсеткі героя
Гродзенца асудзілі на 1,5 года калоніі за каментар у чаце на 10 чалавек. У дзень прысуду затрымалі яго бацьку. Палітзняволенай з Іўя Рэгіне Лавор забаранілі наведваць касцёл і карыстацца туалетам на вуліцы. Старшыня Саюза палякаў Беларусі Анжаліка Борыс павіншавала ўсіх з Вялікаднем: гэта яе першы пост пасля пераводу пад хатні арышт. Рэдакцыя Hrodna.life вывучыла, што адбылося ў вобласці з 11 па 17 красавіка.
ГУБАЗ Гродзенскай вобласці затрымаў жыхара Ліды 1989 года нараджэння. У «пакаянным» відэа мужчына сказаў, што яго затрымалі за падпіску на «дэструктыўныя Telegram-каналы», дзе ён распаўсюджваў экстрэмісцкую інфармацыю і спробу «запалохаць міліцыянтаў». Інфармацыя пра гэта з’явілася 11 красавіка.
Мяркуючы па інфармацыі ў праўладных Telegram-каналах, яго будуць судзіць за абразу службовай асобы (арт.369 КК) і абразу прэзідэнта (арт. 368 КК).
Увечары 6 красавіка 20-гадовы мужчына, будучы п’яным, сарваў сцяг Беларусі з кранштэйна на будынку пошты ў Шчучыне.
Абвінавачаны распавёў, што ён і яго сябры спыніліся каля аддзялення пошты, каб пакурыць. У нейкі момант убачылі камеру відэаназірання, у якую памахалі. Вырашыўшы «падурэць», хлопец сарваў дзяржаўны сцяг і адправіўся з ім гуляць па вуліцах Шчучына.
Справу па арт. 370 КК «Здзек з дзяржаўных сімвалаў» расследуе Шчучынскі раённы аддзел Следчага камітэта. Следчыя даведаліся, што хлопец нідзе не працуе, жыве з бацькамі і нібыта злоўжывае алкаголем. Хлопец раней судзімы за рабаванне і прыцягваўся да адміністрацыйнай адказнасці - у тым ліку за распіццё спіртных напояў у грамадскіх месцах. Яго заключылі пад варту.
Стваральніцу і першага дырэктара Іўеўскага музея нацыянальных культур Рэгіну Лавор у верасні мінулага года асудзілі да двух гадоў «хатняй хіміі». Яе абвінавацілі ў абразе начальніка Іўеўскага РАУС і старэйшага інспектара.
Жанчына распавяла «Вясне» аб тым, як яна адбывае «палітычную хатнюю хімію».
За сакавік да яе больш за 25 разоў прыходзілі з праверкай, чацвёрты месяц яна не можа атрымаць дазвол, каб выехаць у Ліду і купіць матэрыялы для рамесніцтва. Фактычна, Рэгіна не можа працаваць.
Ёй забаранілі наведваць касцёл і нават карыстацца туалетам на вуліцы. На ўсе звароты ў РАУС і МУС жанчына атрымлівае «адпіскі».
57-гадовы гродзенец з траўня 2021 года да студзеня 2022 года размяшчаў на старонцы ў «Аднакласніках» публікацыі з абразай прэзідэнта і паклёпам «з загадзя ілжывымі выдумкамі, злучанымі з абвінавачваннем кіраўніка дзяржавы ў асабліва цяжкіх злачынствах», паведамляе пракуратура.
У жніўні 2021 года ён абразіў пяць праваахоўнікаў і размясціў інфармацыю аб іх асабістых дадзеных без іх згоды. Пры вобшуку ў мужчыны выявілі 22 патрона, якія эксперты прызналі боепрыпасамі да ручной стралковай наразной зброі.
Мужчыну заключылі пад варту. Яго будуць судзіць паводле ч. 2 арт. 295, ч. 1 арт. 368, арт. 369, ч. 3 арт. 203−1, ч. 2 арт. 367 КК. Справу перадалі ў суд Кастрычніцкага раёна Гродна.
2 красавіка ў Гродне пяць-восем чалавек сабраліся з чырвона-зялёнымі сцягамі і плакатамі пікетаваць супраць «дзеянняў польскіх вайскоўцаў, якія абстралялі беларускі пункт пропуску „Пясчатка“ ў Брэсцкай вобласці».
Арганізатар пікету — актывістка «ІнфаСпецНаз» Вольга Бондарава — паскардзілася на невялікую колькасць людзей, хоць ёй абяцалі прыйсці многія. Ні БРСМ, ні Беларускі саюз жанчын, ні «Белая Русь» не прыйшлі.
Пра гэта напісала жонка палітвязня Дзяніса Івашына Вольга. Яна мяркуе, што такая ж сітуацыя ва ўсіх турмах Беларусі.
«Гэта адназначна пазбаўляе зьняволеных права на самаадукацыю і самаразьвіцьцё», — лічыць Вольга Івашына.
Гэта заўважыў Антон Матолька. Ведамства ўжо стварыла новы канал — пяты па ліку. На канале публікуюцца пакаянныя відэа і асабістыя звесткі затрыманых.
Гэта яе першы пост пасля пераводу пад хатні арышт.
«Дарагія сябры і знаёмыя, няхай уваскрослы Езус напоўніць вашы сэрцы любоўю і светам, хай ўсякую смутак ператворыць у радасць, а ўсякую трывогу — у шчасце і надзею на лепшае заўтра. Здаровых і спакойных святаў!!! Дзякуй вам ад усяго сэрца за вашу падтрымку, салідарнасць і малітву», — напісала Борыс.
Палітвязень гродзенскі журналіст Анджэй Пачобут знаходзіўся ў мінскім СІЗА на Валадарскага ў ізалятары, дзе праводзяць апошнія дні асуджаныя да смяротнага пакарання з 14 красавіка да 17 траўня 2021 года. «Гэта так званы калідор смерці, за сцяной у суседняй камеры знаходзіўся асуджаны на расстрэл» — расказаў Rzeczpospolita чалавек, які правёў некаторы час з журналістам у адной камеры.
Трымаючы Пачобута ў месцы, прызначаным для асуджаных да расстрэлу, яго, імаверна, хацелі прымусіць пакінуць краіну. Журналіст неаднаразова адхіляў прапанову аб вызваленні ў абмен на просьбу аб памілаванні.
Пасяджэнне па іску папраўчай установы адкрытага тыпу № 9 у Віцебску да Ігара Банцэра прайшло 11 красавіка ў судзе Ленінскага раёна Гродна. Яго судзяць за камунальныя паслугі, якія ён павінен быў заплаціць, калі знаходзіўся на «хіміі». Запазычанасць склала 81,66 рублёў і 64 рублі пошліны. Банцэр плаціць не хоча, бо з 130 дзён ён правёў 82 дні ў штрафным ізалятары.
Банцэру на пасяджэнні 11 красавіка не дазволілі азнаёміцца з 13 лістамі, якія знаходзяцца ў матэрыялах справы. Таму ён спаслаўся на Канстытуцыю і папрасіў адкласці справу, пакуль ён не знойдзе сабе адваката. Пасяджэнне перанеслі на 15.00 20 красавіка. Ён збіраецца знайсці абаронцу і азнаёміцца з матэрыяламі справы. Ігар мяркуе, што работнікі суда і пракуратуры баяцца паказаць яму дакументы.
На мінулым тыдні ў праўладных Telegram-каналах з’явіліся медыцынскія дакументы з дыскрэдытуючымі подпісамі двух абвінавачаных па «палітычных» справах. Сапраўдныя яны ці не, невядома. Дакументы адлюстроўвалі дыягназы беларусаў пасля звароту да лекараў. Рэдакцыя Hrodna. life спытала ў медыка і юрыста, наколькі гэта законна.
Трэба выратаваць планету ад украінскай біялагічнай зброі. «Калектыўны Захад» навязаў Украіне русафобскія погляды. Калі б не Аляксандар Лукашэнка, то ў Беларусі быў бы «увесь жах, які сёння адбываецца ў краіне-суседцы». Рэдакцыя Hrodna. life прааналізавала выказванні чыноўнікаў, дэпутатаў і грамадскіх дзеячаў у тэкстах дзяржаўнай газеты «Гродзенская праўда».
Беларусь у пачатку тыдня паведаміла аб магчымасці ўвесці бязвізавы ўезд для грамадзян сумежных краін Еўрасаюза. Такім чынам улады хочуць ўзмацняць добрасуседскія адносіны і развіваць уязны турызм. Гэта тычыцца сумежных Польшчы, Літвы і Латвіі. Бязвізавы рэжым для грамадзян Латвіі і Літвы ўвялі апоўначы 15 красавіка. Такі парадак будзе дзейнічаць да 15 траўня.
На 15 красавіка на выезд з Літвы ў Беларусь стаялі шматкіламетровыя чэргі вялікагрузаў. Ім трэба было пакінуць тэрыторыю ЕС да 16 красавіка 2022. Еўразвяз 8 красавіка прыняў пяты пакет санкцый. Паводле яго слоў, беларускім грузаперавозчыкам забаранілі працаваць у ЕС. З 9 красавіка беларускія фуры перасталі прапускаць у краіны ЕС. Ім дазволілі даставіць грузы і выехаць з ЕС да 16 красавіка.
Інжынера-праграміста з Гродзенскага упраўлення Міністэрства фінансаў Андрэя Сцепаненку 14 красавіка асудзілі на паўтара года калоніі агульнага рэжыму. Яго абвінавачвалі ў абразе прэзідэнта (арт.368 КК). Тры месяцы ён правёў у СІЗА турмы № 1 Гродна, адкуль яго 7 красавіка нечакана адпусцілі пад падпіску аб нявыездзе. 12 красавіка яго заключылі пад варту ізноў.
Яго судзілі за каментар, у якім былі радкі: «Я беларус і хачу жыць у Беларусі без Лукашэнкі. У Беларусі, у якой закон вышэй, важней за якогасьці там вусатага…». Каментар з’явіўся ў чаце выпускнікоў ліцэя, у якім было 10 чалавек. Яго ўбачыў міліцыянт пры аглядзе тэлефона, калі затрымліваў Андрэя за значок «Пагоня».
Юрый Сцепаненка не змог прыйсці на вынясенне прысуду свайму сыну Андрэю — у той жа дзень, 14 красавіка, а 7.50 у ягоную кватэру ўвайшла група захопу. Мужчыну павезлі на допыт. Яго абвінавацілі ў абразе прадстаўніка ўлады (арт. 369 КК), дапыталі і ўвечары адпусцілі дадому. Крымінальную справу распачалі за каментар у чэрвені 2020 года.
Гродзенку Алесю Руднік узнагародзілі прэміяй «Еўрапеец года 2022». Узнагароду Руднік атрымала за барацьбу за дэмакратыю ў Беларусі і Усходняй Еўропе.
«Я — першая беларуска, што атрымала гэтую ўзнагароду. Дагэтуль яе атрымлівалі вядомыя шведскія палітыкі, напрыклад Карл Більд, Маргот Вальстром ці актывісты, напрыклад Грэта Тунберг», — сказала Hrodna.life Алеся Руднік.
Алеся не адчувае гэтую ўзнагароду сваёй. Яна лічыць, што яна агульная і належыць беларусам Швецыі, беларускім дыяспарам свету і беларусам, якія змагаюцца за дэмакратыю.
У гродзенскай і ваўкавыскай польскіх школах з 2022 года пачнуць выкладаць на рускай мове. Польскай мовы і літаратуры пакінуць па адной гадзіне ў тыдзень. Па-беларуску будуць выкладаць толькі гісторыю Беларусі і частку прадмету «Чалавек і свет». Hrodna. life пагутарыў пра гэта з бацькамі гродзенскіх вучняў і дзеячамі Саюза палякаў Беларусі.
Гэта не першая ў нашым рэгіёне хваля русіфікацыі. Першы старшыня Саюза палякаў Беларусі, доктар гістарычных навук і адзін з заснавальнікаў польскай школы ў Гродне Тадэвуш Гавін расказаў пра доўгую гісторыю барацьбы з польскімі школамі на тэрыторыі Беларусі.
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…
