Памяшканні былой крамы «Аркуш» на Паліграфістаў, 4 выставілі на продаж. Іх прадаюць за $ 110 тыс. Там можна адкрыць офіс альбо кропку грамадскага харчавання. Іншыя памяшканні ліквідаванай Гродзенскай тыпаграфіі таксама можна набыць або арандаваць. Пра гэта паведаміла рыелтарскае агенцтва «Магазин недвижимости».
Агульная плошча былой крамы — 76 кв м. Ёсць гандлёвая зала, кладоўка і мыйная. У памяшканні праведзены вадаправод з халоднай вадой і каналізацыя. Вышыня столяў - 3,3 метры. Памяшканні можна не толькі набыць, але і ўзяць у арэнду. Цана арэнды — € 15 за кв м.
У арэнду здаюць і іншыя памяшканні былой тыпаграфіі, іх таксама можна набыць. Агульная плошча першага паверха 853 кв м. Агулам можна зняць памяшканне памерам ад 20 кв.м. да 2657 кв.м. Цэны: ад € 4 да € 15.
У памяшканнях на Тэлеграфнай, 4 можна размясціць крамы, кропкі грамадскага харчавання, паслугі, офісы, каворкінг. Ёсць магчымасць размясціць шыльды на вуліцы.
Ужо вядома, што ў адным з памяшканняў на першым паверсе будзе знаходзіцца харчовы супермаркет.
Побач з будынкам плануецца ўладкаваць вялікую паркоўку і зручныя пад’язныя шляхі са свабодным доступам. Паводле плану платы і шлагбаўм будуць дэмантаваныя.
Раней у гэтым будынку размяшчалася «Гродзенская тыпаграфія». У снежні 2021 года яе закрылі па рашэнні Гродзенскага аблвыканкама. Зараз яна ў працэсе ліквідацыі. Рэдакцыі газет і выданняў пераарыентавалі на ішныя тыпаграфіі, у тым ліку ў Брэсце. Гродзенская тыпаграфія працавала з 1944 года.
Чытайце таксама:
Рэканструкцыю воінскага пахавання на Фолюшы на месцы лагера “Шталаг 324” запланавалі ў Гродне. Для пачатку…
У рэспубліканскім банку вакансій у Гродзенскай вобласці зарэгістравана 20 125 вакансій, з іх 6 908…
Мост праз раку Лашанку пад Гроднам, якое змыла моцным ліўнем у жніўні, пачалі будаваць нанова.…
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…