Новости

На Чырвонаармейскай прадаюць участак пад новы «офіснік». Раней там хацелі адкрыць рынак для рамеснікаў

Пачатковая цана ўчастка на вуліцы Чырвонаармейскай — 47,3 тысячы рублёў. Раней там спрабавалі прадаць сам будынак былой кафлярні, да гэтага — участак пад будаўніцтва рамеснага рынку. За чатыры гады ўчастак паменшыўся, а цана вырасла амаль на 20%.

Участак на вуліцы Чырвонаармейскай зноў выстаўлены на аўкцыён. Арандаваць зямлю пад будаўніцтва плошчай 0,19 га можна будзе на 50 гадоў.

Пераможца таргоў абавязаны будзе пакрыць выдаткі на арганізацыю і правядзенне аўкцыёну і выраб неабходнай дакументацыі.

Да пачатку праектавання трэба будзе распрацаваць праект зоны аховы комплексу будынкаў былых Станіславоўскіх кафлярных майстэрняў (кафлянага завода Друцкіх-Любецкіх), якому прысвоены статус гісторыка-культурнай каштоўнасці.

Аўкцыён на права арэнды ўчастка пройдзе 26 красавіка. Заявы ад удзельнікаў будуць прымаць да 20 красавіка.

Спрабавалі прадаць і з будынкам

31 студзеня 2022 года на Чырвонаармейскай прапаноўвалі купіць будынак — частку Станіславаўскіх майстэрняў - з участкам, за пачатковую цану ў 351,6 тысяч рублёў (мінімальны кошт быў 175,8 тысяч рублёў). Плошчу зямлі да продажу тады вызначылі ў 0,4 га. У будынку размешчаны вытворчы корпус трэста «Гроднагарбуд», маёмасць якога распрадаюць праз банкруцтва. Стан пабудовы варты жалю.

Да гэтага комплекс пабудоў на Чырвонаармейскай выстаўлялі на продаж 2 верасня 2021 за пачатковую цану 1,23 млн рублёў. На таргі ніхто не заявіўся. Потым кошт лота знізілі да 879,1 тысяч рублёў, але прадаць яго ўсё роўна не ўдалося.

Раней хацелі пабудаваць рамесны рынак

Участак на Чырвонаармейскай у 0,21 га каля былой кафлярні прадавалі на аўкцыёне і ў 2019 годзе. Тады за яго хацелі 29,2 тысяч рублёў. Паводле ўмоў там маглі пабудаваць гандлёва-выставачную пляцоўку, дзе б маглі гандляваць рамеснікі. Праўда, гродзенскім рамеснікам гэтая ідэя не спадабалася, прадаўцы з Савецкай нават сабралі подпісы супраць пераезду. Пазней старшыня гарвыканкама Мечыслаў Гой сказаў, што планаваўся не пераезд, а яшчэ адно месца гандлю.

Падзяліцца

Апошнія запісы

Палац Чацвярцінскіх у Гродне набыў канчатковыя рысы — аўтэнтычны дах аднаўляць не будуць

Будынак былой камендатуры (палац Чацвярцінскіх) у парку Жылібера набыў канчатковыя рысы пасля абнаўлення. Праўда, новы…

11 красавіка 2025

«Стаміўся пераскокваць сабачак і дзетак». Веласіпедысты не могуць дамовіцца з пешаходамі ў Пышках

Гродзенцы скардзяцца, што пракаціцца на веласіпедзе ці роліках па веладарожцы ў Пышках праблематычна. Прычына ў…

11 красавіка 2025

Гродзенцы скардзяцца на вялікія чэргі да артадонтаў — у некаторых клініках няма запісу нават на 2026 год

Гродзенка Вікторыя паскардзілася ў Threads, што запісацца на прыём да мясцовых артадонтаў амаль немагчыма. Пра…

11 красавіка 2025

На журналіста з Гродна Валерыя Руселіка збіраюць «арыентыроўку». Прыйшлі да яго сталой мамы

Сілавікі прыйшлі да маці журналіста і блогера Валерыя Руселіка ўвечары 9 красавіка. Яны былі ў…

11 красавіка 2025

Гродзенцы браты Байко ўвайшлі ў ТОП-100 паспяховых бізнесменаў Беларусі — але апускаюцца ўсё ніжэй

Валянцін Байко, намеснік дырэктара па развіцці «Контэ Спа», і яго брат, Дзмітрый Байко, намеснік дырэктара…

10 красавіка 2025

У красавіку ў Гродне пройдзе лакальны кававы фестываль. Колькі каштуе сэт і хто удзельнікі?

Grodno Coffee Festival пройдзе ў Гродне з 15 па 29 красавіка. У фестывалі возьмуць удзел…

10 красавіка 2025