У Літве абмежавалі суму наяўных грошай у еўра, якую можна правозіць праз мяжу ў Беларусь і Расію. Зараз вывезці з сабой можна максімум € 60. Пра гэта 18 сакавіка паведаміла выданне Delfi са спаслыкай на літоўскую мытню.
Абноўлена. Забарона на перавозку банкнот еўра фізічнымі асобамі, якія накіроўваюцца ў Беларусь ці Расію, не ўжываецца толькі ў тым выпадку, калі гэта неабходна для асабістага выкарыстання ім ці іх блізкіх сваякоў, якія вандруюць з імі, удакладніла пазней літоўская мытня.
«Літоўская мытня інфармуе, што як фізічным, так і юрыдычным асобам забаронена прадаваць, пастаўляць, перадаваць альбо экспартаваць еўра ў Расію і Беларусь нават калі прадастаўляецца дэкларацыя аб наяўных сродках», — паведаміла літоўская мытня.
Фізічныя асобы зараз могуць везці не больш за € 60 наяўных на аднаго чалавека. Гэта тычыцца і кіроўцаў, якія працуюць дальнабойшчыкамі. Вываз грошай у іншай валюце, напрыклад у доларах, не абмяжоўваецца.
Выключэнні тычацца толькі дыпламатычных установаў, консульскіх аддзелаў, а таксама міжнародных арганізацый у Беларусі і Расіі, які карыстаюцца імунітэтам паводле міжнароднага права.
Калі на мытні высветліцца, што чалавека вязе больш за € 60, тады дэкларацыю не аформяць, а чалавека вернуць у Літву. За парушэнне абмежаванняў можа пагражаць адміністрацыйная адказнасць.
Абмежаванні на вываз валюты ў Беларусь і Расію ўведзены дзеля выканання Пастановы Савета Еўрапейскага Саюза № 2022/398 ад 9 сакавіка 2022. У ім Савет ЕС забараніў пастаўкі банкнотаў еўра ў Беларусь і Расію. Пастанова Савета — абавязковы акт, які павінны выконваць усе краіны-чальцы ЕС.
Пасля пачатку вайны Расіі супраць Украіны адбыліся рэзкія фінансавыя змены. Гэта звязана з санкцыямі якія Еўрасаюз, ЗША і іншыя краіны Захаду ўвялі супраць Расіі і Беларусі. Зараз цана за адзін еўра складае ад 3,6 да 4 рублёў, за долар ад 3,2 да 3,5 рублёў. На сайце для абмена валют prokopovich.net цана за адзін долар дасягае 4 рублёў.
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…