Рамонт Румлёўскага маста. Фота: Hrodna.life
Рамонт маста па праспекце Кляцкова ў Гродне можа доўжыцца да 20 красавіка, а не да 1 красавіка, як планавалі раней. Такая інфармацыя з’явілася на сайце дзяржзакупак. У планах — дэмантажныя працы нізавой і верхавой часткі і падрыхтоўка існуючых асноваў пад пакрыццё.
У дакументах прапісаныя 18 відаў работ. У асноўным яны ўключаюць разборку элементаў тратуараў і розныя працы з імі.
Дзяржзакупку праводзіць Гродзенская гарадская жыллёва-камунальная гаспадарка з 18 лютага па 6 сакавіка. Кошт — 245 224 рублёў з бюджэту. Пазначаны тэрмін пастаўкі - з 21 сакавіка па 20 красавіка. Гарантыя на мост складзе два гады.
Таксама да 15 лютага шукаюць фірму для фрэзеравання (механічная апрацоўка рэзаннем — Hrodna.life) дарожнага палатна нізавой часткі моста. Каштуе гэта 33 938,84 рублёў. Работы павінны завяршыць да 11 сакавіка.
Рамонт маста пачалі 10 студзеня 2022 года. 16 лютага гарвыканкам паведаміў, што мост цалкам закрываюць да 1 красавіка. Гэта звязана з тым, што падчас рамонтных работ выявілі некаторыя дэфекты, якія стала магчымым убачыць толькі пасля разбору часткі будаўнічых канструкцый. Грамадскі транспарт паехаў па-іншаму, некалькі маршрутаў тралейбусаў часова прыбралі. У першыя дні пасля закрыцця ў горадзе ў гадзіны пік былі шасцібальныя заторы, затор да Усходняга моста пачынаўся з трасы М6, а цэны на таксі былі ў 1,5−2 разы вышэй, чым звычайна.
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…