Аляксандр Зімін з ДЦП некалькі гадоў спрабаваў атрымаць у Беларусі медыцынскую даведку для вадзіцельскіх правоў. У Расіі ён атрымаў яе «без шуму, пылу і нерватропкі». Наперадзе — атрыманне правоў кіроўцы.
«Думаю, многія з майго атачэння памятаюць яшчэ вайну з РНПЦ [Рэспубліканскі навукова-практычны цэнтр] экспертызы і рэабілітацыі за вадзіцельскую меддаведку. Многія не адзін год падтрымлівалі, цікавіліся, чакалі навін, верылі ў лепшае. Сёння я без шуму, пылу і нерватропкі атрымаў дадзеную паперку. Шкада толькі, што для гэтага давялося памяняць дом і ўсё жыццё, але будзем спадзявацца, што перамены да лепшага…», — напісаў Аляксандр у Facebook 15 лютага.
Калі і дзе будзе займацца вадзіцельскімі правамі, Аляксандр яшчэ не ведае. Пакуль ён змагаецца з наступствамі каранавіруса.
Аляксандр Зімін вядомы ў Гродне як вулічны музыкант, які выступае з хэндпанам. З пачаткам пандэміі «пешаходка», як называў Аляксандр пешаходную Савецкую вуліцу, перастала прыносіць яму заробак. Увосень 2021 года Аляксандр з’ехаў працаваць у Архангельскую вобласць. Яго запрасіў знаёмы, які працуе дырэктарам лесапільні. Пытанняў па здароўю ў працадаўцы не было. Асноўны абавязак Аляксандра — весці ўлік і падбіраць кадры для вытворчасці.
Пісалі СМІ і аб спробах Аляксандра вярнуць кіроўчыя правы. Медкамісію на пасведчанне кіроўцы Аляксандр Зімін не прайшоў у 2014 годзе, калі вырашыў змяніць пасведчанне без права найму на працу на пасведчанне з правам найму. Да гэтага ён тры гады ездзіў без адзінага інцыдэнту і скончыў курсы контраварыйнага кіравання. Прычынай назвалі ДЦП, а вышэйшы орган — Цэнтр рэабілітацыі — вынес сваё канчатковае рашэнне. Аляксандр не адзін год спрабаваў абскардзіць гэтае рашэнне, але ў яго не выйшла.
Чытайце таксама:
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…