Ірына Гой, пляменніца кіраўніка Гродзенскага гарвыканкама Мечыслава Гоя, выйшла замуж за шоўмена Дзяніса Кур’яна. Яны распісалася 3 верасня ў Менску.
Ірына Гой — псіхолаг паводле адукацыі, арганізатарка мерапрыемстваў. З 2015 па 2019 год была намесніцай начальніка аддзела культуры ў Гродзенскім гарвыканкаме. Да гэтага працавала ў МТС, на Гродзенскім механічным заводзе і нават медсястрой у абласным скурна-венералагічным дыспансеры.
Для Дзяніса Кур’яна гэта другі шлюб. Разам пара ўжо тры гады. «Пажаніліся, бо каханне, а не таму што „тэрмінова трэба“. Без вяселля, без цырымоній, без картэжа… спакойненька і кайфова», — напісаў Кур’ян у сторыз у Instagram.
Ірына і Дзяніс працуюць разам. Дзяніс Кур’ян — адзін з заснавальнікаў сеткі фудкортов «Мама дома» ў Мінску, Гомелі і Магілёве. Ірына Гой працуе там сеткавым маркетолагам. У студыі вытворчасці карпаратыўных фільмаў і рэкламных ролікаў Promofilm Кур’ян — крэатыўны дырэктар, а Ірына — менеджарка. Ірына — прадзюсерка ў YouTube-праекце Кур’яна «Дзе грошы, Дзяніс?» пра бізнэс.
Раней Кур’ян быў вядоўцам на БТ і АНТ. Працаваў у праектах «Еўрафэст» і «Еўрабачанне», «Міс Беларусь», «Міс Супранэншл», «Дзень Расіі-2012».
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…